Эстафета «Полымя свету» завяршае сваё падарожжа па Магілёўскай вобласці ў Бабруйску.
Факел з агнём II Еўрапейскіх гульняў гасцяваў у гэтым буйным прамысловым цэнтры Беларусі два дні, з 3 па 4 чэрвеня. Факеланосцамі выступілі вядомыя бабруйчане, сярод якіх спявак і кампазітар Руслан Аляхно, алімпійскія чэмпіёны па веславанні на каноэ Аляксандр і Андрэй Багдановічы, рэкардсмены Кнігі рэкордаў Гінеса гіравікі Вячаслаў Харанека і Яўген Лось.
Эстафета прайшла па цэнтральных вуліцах Бабруйска ад галоўнай гарадской плошчы імя Леніна. Фіналам першага дня стаў святочны канцэрт ля сямітысячнай «Бабруйск-Арэны». Сёння агонь II Еўрапейскіх гульняў пабываў на прадпрыемствах «Чырвоны харчавік», «Белшына» і СВК «Гігант» у Вялікіх Бортніках.
Пасля Магілёўскай вобласці, дзе эстафета праходзіла з 30 мая, эстафету агню II Еўрапейскіх гульняў прыме Гомельскі рэгіён.
Маршрут эстафеты завершыцца 21 чэрвеня на Нацыянальным алімпійскім стадыёне «Дынама» – падчас цырымоніі адкрыцця II Еўрапейскіх гульняў будзе запалены агонь спартыўнага форуму.
II Еўрапейскія гульні пройдуць у Мінску з 21 па 30 чэрвеня. Больш за 4 тыс. атлетаў з 50 краін разыграе 200 камплектаў узнагарод у 15 відах спорту.
Тэкст - БЕЛТА
Фота - bobrlife.by
Пры выкарыстанні матэрыялаў актыўная гіперспасылка на mogilev-region.gov.by абавязковая
04.06.2025 - 16:13
У Магілёўскім раёне ў рамках праекта «Спорт для ўсіх» адкрылася сучасная спартыўная пляцоўка
02.06.2025 - 09:39
Яўген Залатой стаў чэмпіёнам Еўропы па акадэмічным веславанні
02.06.2025 - 09:26
Георгій Фокін стаў чэмпіёнам свету па муай-тай сярод моладзі
26.05.2025 - 12:21
«Барысфен» прайграў у Віцебску. Лёс бронзы вырашыцца ў Магілёве
19.05.2025 - 08:43
Магілёўскі ЦАР другі раз выйграў Суперкубак Беларусі па пляжным футболе