Рус Бел Eng 中文

Урад даручыў да 25 сакавіка падрыхтаваць сельгастэхніку да вясновых палявых работ

Урад зацвердзіў меры па падрыхтоўцы да палявых работ, стварэнні трывалай кармавой базы і ўборцы ўраджаю ў 2019 годзе. Гэта прадугледжана пастановай Савета Міністраў ад 29 снежня 2018 года № 972, паведамляецца на сайце ўрада.

Урад даручыў прыняць меры па забеспячэнні гатоўнасці не менш за 95% наяўнай у сельгасарганізацый сельгастэхнікі для правядзення вясновых палявых работ да 25 сакавіка, нарыхтоўкі травяных кармоў – да 15 мая, уборкі збожжавых і зернебабовых культур, першаснай апрацоўкі і захоўвання збожжа – да 10 ліпеня. Неабходна таксама забяспечыць закупку тэхнікі для вырошчвання і ўборкі льну.

Аблвыканкамам трэба забяспечыць своечасовую і поўную аплату падначаленымі арганізацыямі набытых імі мінеральных угнаенняў, сродкаў абароны раслін, паліва, насення.

Прадугледжана, што сельгасарганізацыі, уключаныя ў пералікі, якія зацвярджаюцца рашэннямі аблвыканкамаў, атрымаюць субсідыі на выплату часткі працэнтаў за карыстанне крэдытамі, прадастаўленымі у 2019 годзе банкамі для фінансавання палявых работ. Гэтыя субсідыі прадастаўляюцца штомесяц у 2019–2020 гадах за кошт сродкаў рэспубліканскага бюджэту.

БЕЛТА

Пры выкарыстанні матэрыялаў актыўная гіперспасылка на mogilev-region.gov.by абавязковая