Вучэбныя эвакуацыі пройдуць у школах 9-10 верасня падчас акцыі «Адзіны дзень бяспекі». Пра гэта паведаміў першы намеснік начальніка ўпраўлення нагляду і прафілактыкі МНС Васіль Сіўчак.
«З 9 па 10 верасня падчас «Адзінага дня бяспекі» ва ўсіх школах запланавана правядзенне адпрацовак планаў эвакуацыі людзей на выпадак узнікнення пажару, у тым ліку і пры ўдзеле работнікаў МНС», – сказаў Васіль Сіўчак. Ратавальнікі ў гэтыя дні таксама будуць праводзіць класныя гадзіны, дзе пагавораць з дзецьмі аб правілах бяспекі.
Работнікі МНС перад пачаткам навучальнага года правялі наглядна-прафілактычныя мерапрыемствы ў 2864 школах. Як правіла, парушэнні супрацьпажарных патрабаванняў рэжымнага характару ліквідаваліся адразу падчас праверак. На адрас кіраўнікоў і службовых асоб устаноў адукацыі ўнесена 13 прадстаўленняў аб ліквідацыі прычын і ўмоў, якія садзейнічаюць правапарушэнням па пытаннях супрацьпажарнай бяспекі.
«Паслядоўная праца ўсіх зацікаўленых дазволіла павысіць узровень пажарнай бяспекі ва ўстановах адукацыі. Як вынік – падчас кантрольных мерапрыемстваў па ацэнцы гатоўнасці школ да новага навучальнага года органы дзяржаўнага пажарнага нагляду не выявілі парушэнняў заканадаўства, якія ствараюць пагрозу жыццю і здароўю дзяцей», – адзначыў Васіль Сіўчак. Практычна з усім персаналам школ (а гэта каля 30 тыс. чалавек)праведзены супрацьпажарныя інструктажы.
Пры выкарыстанні матэрыялаў актыўная гіперспасылка на mogilev-region.gov.by абавязковая
27.06.2025 - 18:03
27.06.2025 - 14:07
Служэнне Радзіме: 94 курсанты Магілёўскага інстытута МУС атрымалі дыпломы аб вышэйшай адукацыі
27.06.2025 - 11:26
Магілёўская вобласць прадстаўлена на XII Форуме рэгіёнаў Расіі і Беларусі ў Ніжнім Ноўгарадзе
27.06.2025 - 09:34
26.06.2025 - 16:41
26.06.2025 - 16:38