Рус Бел Eng 中文

Вядучыя тэлеканалы Беларусі пакажуць цыкл перадач аб найлепшых дасягненнях краіны

Агенцтва тэленавін Белтэлерадыёкампаніі і інфармацыйныя дырэкцыі каналаў АНТ і СТВ падрыхтавалі сумесны сацыяльна-палітычны

праект, які прадэманструе найлепшыя дасягненні Беларусі за гады суверэнітэту. Прэм’ера штотыднёвай праграмы «Зроблена!» адбудзецца 3 ліпеня, у Дзень Незалежнасці. Пра гэта паведамілі ў прэс-службе медыяхолдынга.

Добраўпарадкаваныя і камфортныя гарады з развітой транспартнай інфраструктурай, прызнана высокі ўзровень медыцынскага абслугоўвання, адукацыі, навукі і IT-галіны, мадэрнізаваныя гаспадаркі і аб’екты прамысловага сектара, іншыя ключавыя аспекты нашага жыцця – вынік агульнай справы мільёнаў беларусаў. У праекце «Зроблена!» аўтары-карэспандэнты прадставяць гледачам шырокую панараму суверэннай гісторыі Беларусі, прасачыўшы за тым, як год за годам выконваюцца даручэнні кіраўніка дзяржавы.

Для зручнасці гледачоў тэлеканалы «Беларусь 1», «Беларусь 24», АНТ, СТБ і «РТР-Беларусь» пакажуць усе фільмы з цыкла «ЗРОБЛЕНА!» у прайм-тайм – штотыдзень адзін уласны выпуск і дзве працы калег па творчым цэху.

Прэм’ера першага выпуску аўтарскага агенцтва тэленавін, прысвечанага брэндам і навінкам айчыннага машынабудавання, – 3 ліпеня ў 20.40 на «Беларусь 1».

БЕЛТА

Пры выкарыстанні матэрыялаў актыўная гіперспасылка на mogilev-region.gov.by абавязковая