У Магілёўскай вобласці высокая яўка выбаршчыкаў абумоўлена альтэрнатыўнасцю на выбарах дэпутатаў Палаты прадстаўнікоў Нацыянальнага сходу Рэспублікі Беларусь сёмага склікання. На гэта звярнуў увагу сёння ў час паседжання Магілёўскай абласной выбарчай камісіі яе старшыня Валерый Берастаў.
Выбаршчыкі рэгіёна традыцыйна праяўляюць высокую актыўнасць на выбарах. Свой голас за таго ці іншага кандыдата ў дэпутаты аддалі 663 625 грамадзян з 804 212, уключаных у спісы для галасавання. Такім чынам, яўка выбаршчыкаў на выбарах дэпутатаў Палаты прадстаўнікоў склала 82,52%. «На мой погляд, гэта тлумачыцца ўзрослай цікавасцю да парламенцкіх выбараў з прычыны іх альтэрнатыўнасці. Так, у рэгіёне на адзін дэпутацкі мандат прэтэндавала крыху менш за 5 чалавек”, – рэзюмаваў старшыня выбаркама.
Ён дадаў, што выбары адбыліся па ўсіх акругах вобласці. З 62 кандыдатаў у дэпутаты 13 атрымала права прадстаўляць Магілёўшчыну ў парламенце.
«У цэлым парламенцкія выбары ў вобласці праходзілі планамерна, па-дзелавому, без залішняга напружання. Выбарчымі камісіямі былі створаны ўсе неабходныя ўмовы для працы», – падкрэсліў старшыня выбаркама.
За ходам выбарчай кампаніі ў рэгіёне сачыла каля 4,5 тыс. назіральнікаў, у тым ліку больш за 50 міжнародных. Прадстаўнікі місій ад СНД і ШАС далі высокую ацэнку арганізацыі і правядзенню выбараў. «На жаль, многія, як ні дзіўна, нацыянальныя назіральнікі, паводле паведамленняў акруговых і ўчастковых камісій, груба парушалі свае паўнамоцтвы, умешваліся ў працу, прычым вельмі настойліва, нават спрабавалі правакаваць старшыняў і членаў камісій на канфлікты, – канстатаваў Валерый Берастаў. – Трэба аддаць належнае камісіям, усюды, дзе былі такія сітуацыі, яны цярпліва дзейнічалі ў межах прававога поля».
Пры выкарыстанні матэрыялаў актыўная гіперспасылка на mogilev-region.gov.by абавязковая
01.08.2025 - 10:37
Уборка азімага рапсу ў Магілёўскай вобласці перасягнула экватар
29.07.2025 - 09:47
Першыя сярод моладзі: экіпаж з Кіраўскага раёна намалаціў больш за 1 тыс. тон збожжа новага ўраджаю
25.07.2025 - 18:08
25.07.2025 - 09:38
«Уся справа ў жаданні працаваць». Першага механізатара-тысячніка ўшаноўвалі ў Магілёўскай вобласці
24.07.2025 - 16:06