Рус Бел Eng 中文

Выстава народнага майстра Беларусі Вольгі Сыцікавай адкрыецца 19 лютага ў Магілёве

Выстава народнага майстра Беларусі Вольгі Сыцікавай «Беларусь мая сінявокая» адкрыецца 19 лютага ў Магілёве ў межах рэгіянальнага семінара-практыкума «Тэндэнцыі развіцця беларускага народнага касцюма». Экспазіцыя на працягу двух тыдняў будзе размяшчацца ў абласным метадычным цэнтры народнай творчасці і культурна-асветнай працы.

На выставе будуць прадстаўлены работы, выкананыя з лёну. Гэта пано з нацыянальнай сімволікай, лялькі ў традыцыйных беларускіх касцюмах, анёлачкі, фігуркі жывёл, вымпелы, дэкаратыўныя сурвэткі, сюжэтныя кампазіцыі і многае іншае.

Вольга Сыцікава – адна з яркіх прадстаўнікоў народнай творчасці Магілёўшчыны. З 1990 года майстр працуе мастаком народных промыслаў. У 1993 годзе завочна скончыла Віцебскі індустрыяльна-тэхналагічны тэхнікум па спецыяльнасці «Тэхнолаг па ткацтве». У 1980 годзе прыйшла працаваць на МФМВ ў якасці вытворцы сувеніраў з лёну. У 1991-м стала мастаком народна-мастацкіх промыслаў. Пастаянна працуе над распрацоўкай новых відаў сувеніраў з лёну і саломкі. У 2008 годзе ўступіла ў Беларускі саюз майстроў народнай творчасці. Удзельнік разнастайных абласных, рэспубліканскіх і міжнародных выстаў, кірмашоў, фестываляў.

За амаль трыццацігадовы творчы перыяд Вольга Сыцікава распрацавала і ўкараніла ў вытворчасць больш за 3000 новых вырабаў. Яна стварыла вялікую калекцыю сувеніраў да традыцыйных абрадавых святаў Беларусі, такіх, як «Купалле», «Каляды», «Дажынкі». Майстрыха ўзнагароджана 46 граматамі, дыпломамі і падзякамі.

Пры выкарыстанні матэрыялаў актыўная гіперспасылка на mogilev-region.gov.by абавязковая