Рус Бел Eng 中文

Вызначана найлепшая дзясятка спартсменаў Магілёўскай вобласці 2018 года

Вызначана найлепшая дзясятка спартсменаў Магілёўскай вобласці па выніках выступленняў на афіцыйных міжнародных спаборніцтвах у 2018 годзе. Пра гэта карэспандэнту сайта паведамілі ва ўпраўленні спорту і турызму аблвыканкама.

«Гэта прадстаўнікі розных відаў спорту, параўноўваць вынікі якіх складана, таму тут няма размеркавання месцаў з першага па апошняе – усе дастойныя і расстаўлены не па сабраных медальных ураджаях, а па алфавіце», – удакладнілі суразмоўцы.

Дзясятку найлепшых склалі: Дынара Алімбекава (біятлон), Наталля Варакіна (жаночая барацьба), Юрый Голуб (біятлон, лыжныя гонкі – інваспорт), Арцём Коласаў (дзюдо), Ірына Курачкіна (жаночая барацьба), Надзея Макарчанка (веславанне на байдарках і каноэ), Дзяніс Махлай (веславанне на байдарках і каноэ), Дар’я Навумава (цяжкая атлетыка), Ніна Савіна (лёгкая атлетыка), Заліна Сідакова (жаночая барацьба).

У 2018 годзе спартсмены Магілёўскай вобласці на алімпіядах, чэмпіянатах, першынствах свету і еўропы сталі ўладальнікамі 126 медалёў рознай вартасці, у тым ліку 85 – па алімпійскіх відах спорту. Упершыню ў гісторыі магілёўскага спорту Дзінарай Алімбекавай і Юрыем Голубамзаваяваны залатыя медалі на зімовых Алімпійскіх і Паралімпійскіх гульнях адпаведна.

Пры выкарыстанні матэрыялаў актыўная гіперспасылка на mogilev-region.gov.by абавязковая