Рус Бел Eng 中文

Вызначаны пераможцы абласнога конкурсу па спартыўных турысцкіх паходах

Вызначаны пераможцы абласнога конкурсу па спартыўных турысцкіх паходах, прысвечанага 75-й гадавіне Перамогі савецкага народа ў Вялікай Айчыннай вайне. Пра гэта карэспандэнту сайта паведаміў метадыст аддзела турызму, спартыўнага арыентавання і экскурсій ДУДА «Абласны цэнтр творчасці» Цімур Таіраў.

Суразмоўца растлумачыў, што турысцкія паходы ажыццяўляюцца навучэнцамі ў асноўным у летні аздараўленчы перыяд. Хлопцы і дзяўчаты асвойваюць жыццёва важныя навыкі(арыентаванне на мясцовасці, пераадоленне водных і забалочаных участкаў, падрыхтоўка ежы ў палявых умовах, аказанне даўрачэбнай дапамогі), знаёмяцца з прыродай і гісторыяй роднага краю. А на конкурс, які з’яўляецца штогадовым, прадастаўляюцца справаздачы.

Сёлета ўдзел у спаборніцтве прымалі Краснапольскі, Круглянскі, Чэрыкаўскі раёны і горад Бабруйск. Журы ацэньвала справаздачы па розных крытэрыях: складанасць, навізна, бяспека, напружанасць, карыснасць. Быў адзначаны высокі ўзровень правядзення паходаў, зместу і метадычнага афармлення дакументаў.

Вынікі падводзіліся па пешаходным, водным, веласіпедным відах турызму 1-й і 2-й катэгорыі складанасці.

Турысцкія групы (пераможцы і прызёры конкурсу) узнагароджаны дыпломамі галоўнага ўпраўлення адукацыі Магілёўскага аблвыканкама. Месцы размеркаваліся наступным чынам:

Пешаходныя паходы першай катэгорыі складанасці:

1 месца–ДУА «Краснапольскі раённы цэнтр дзіцячай творчасці» (кір. Васільеў С. Л.).

Веласіпедныя паходы першай катэгорыі складанасці:

1 месца – ДУА «Цэнтр турызму, краязнаўства і экскурсій дзяцей і моладзі г. Бабруйска» (кір. Барынаў К. М.).

Веласіпедныя паходы другой катэгорыі складанасці:

1 месца – ДУА «Цэнтр турызму, краязнаўства і экскурсій дзяцей і моладзі г. Бабруйска» (кір. Барынаў К. М.);

2 месца– ДУДА «Круглянскі раённы цэнтр творчасці дзяцей і моладзі “Вясёлка”» (кір.Верам’ёў В. К.).

Водныя паходы першай катэгорыі складанасці:

1 месца – ДУА «Цэнтр турызму, краязнаўства і экскурсій дзяцей і моладзі г. Бабруйска» (кір.Руновіч Д. Л.);

2 месца– ДУА «Краснапольскі раённы цэнтр дзіцячай творчасці» (кір. Васільеў С. Л.),

3 месца– ДУДА «Чэрыкаўскі цэнтр дзіцячага і юнацкага турызму, краязнаўства і экскурсій» (кір. Трыфаненка В. В.).

Найлепшыя справаздачы аб паходах прымуць удзел у рэспубліканскім этапе спаборніцтваў у дысцыпліне «Спартыўныя турысцкія паходы».

Вольга Емельянава

Пры выкарыстанні матэрыялаў актыўная гіперспасылка на mogilev-region.gov.by абавязковая