RU BY EN 中文
Twitter Instagram

З чым ідуць у Парламент зноў выбраныя дэпутаты: Вера Шырокая

6 снежня адкрыецца першая сесія Нацыянальнага сходу шостага склікання. І гэта стане падзеяй, бо абраны 17 лістапада новы склад дэпутатаў – вельмі арганічны сплаў новых ідэй і вопыту. Сваімі планамі адносна маючай адбыцца працы ў Палаце прадстаўнікоў дзеляцца зноў выбраныя дэпутаты.

Вера Шырокая, дэпутат па Бабруйскай-Першамайскай выбарчай акрузе № 79:

– Паколькі ў Парламенце спадзяюся ўвайсці ў Пастаянную камісію па жыллёвай палітыцы і будаўніцтве, на гэты блок звярну асноўную ўвагу. Лічу, што павінен быць урэгуляваны механізм адказнасці праектных, інжынерных і арганізацый тэхнічнага нагляду за якасць аказаных паслуг. А хто толькі не крытыкаваў сферу жыллёва-камунальнай гаспадаркі! У ланцужку аказання паслуг па падтрыманні жыллёвага фонду ў належным стане – ад абследавання да прыёмкі працы – няма месца спажыўцу паслуг. На мой погляд, наспела неабходнасць перагледзець гэты недахоп. Трэба развіваць структурныя прадпрыемствы ЖКГ, якія прыносяць прыбытак, а значыць, забяспечваць своечасовасць і якасць абслугоўвання. Але, зразумела, буду займацца і іншымі пытаннямі. Па-ранейшаму актуальнымі застаюцца працаўладкаванне, забеспячэнне жыллём, рамонт дарог, крокавая даступнасць дашкольных устаноў.

, фота - vybary2019.by

Пры выкарыстанні матэрыялаў актыўная гіперспасылка на mogilev-region.gov.by абавязковая