Чэмпіёнам свету па пажарна-выратавальным спорце стаў магіляўчанін Мікіта Уколаў. Як паведамілі ў МНС, XV Чэмпіянат свету па пажарна-выратавальным спорце сярод мужчын пачаўся ў Саратаве 11 верасня. Адначасова з ім праходзяць Шосты чэмпіянат свету па пажарна-выратавальным спорце сярод жанчын, Дзявяты чэмпіянат свету сярод юнакоў і юніёраў і Пяты – сярод дзяўчат і юніёрак.
Пажарныя і ратавальнікі спаборнічаюць ва ўздыме па штурмавой лесвіцы ў акно чацвёртага паверха вучэбнай вежы, у пераадоленні стаметровай паласы перашкод, баявым разгортванні і пажарнай эстафеце чатыры па 100 метраў.
«У першы дзень спаборніцтваў спартсмены спаборнічалі ў практыкаванні «пад’ём па штурмавой лесвіцы ў акно чацвёртага паверха вучэбнай вежы». З вынікам у 12,78 секунды інжынер аддзялення сувязі і абвесткі пажарнага аварыйна-выратавальнага атрада Магілёўскага абласнога ўпраўлення МНС Мікіта Уколаў апынуўся першым пры ўздыме па штурмавой лесвіцы, расказалі ў МНС.
На цырымоніі ўзнагароджання прадстаўнік банка ВТБ уручыў Мікіту Уколаву прыз чэмпіянату – BMW X1.
У Беларусі ў першы дзень чэмпіянатаў свету па пажарна-выратавальным спорце 3 золата, 4 срэбра.
Пры выкарыстанні матэрыялаў актыўная гіперспасылка на mogilev-region.gov.by абавязковая
23.07.2025 - 14:47
Магілёўскія «Львы» гатовы да сезона: новыя зоркі, амбіцыйныя мэты, а лёд гарыць пад канькамі
16.07.2025 - 13:04
07.07.2025 - 14:21
Магілёўскі ЦАР выйграў усе матчы ў двух турах чэмпіянату Беларусі па пляжным футболе
01.07.2025 - 14:45
Спаборніцтвы на прызы Дзінары Смольскай праходзяць у Чавусах