Зарплаты некаторых катэгорый работнікаў у сферах адукацыі і аховы здароўя павялічаны з 1 студзеня. Гэта прадугледжана пастановай Савета Міністраў ад 19 студзеня 2019 года №36 «Аб павышэнні заработнай платы асобным катэгорыям работнікаў», паведамілі ў прэс-службе ўрада.
Пастановай з 1 студзеня 2019 года прадугледжана ўстанаўленне галіновых надбавак педагагічным работнікам (уключаючы асоб з ліку прафесарска-выкладчыцкага складу). На гэтыя мэты будзе накіроўвацца 5% планавага фонду аплаты працы гэтых работнікаў. Памеры, парадак і ўмовы ўстанаўлення надбавак вызначаюцца Міністэрствам адукацыі па ўзгадненні з Міністэрствам працы і сацыяльнай абароны і Міністэрствам фінансаў.
Прадугледжана павелічэнне памераў дзейных павышэнняў тарыфных акладаў памочнікаў выхавальнікаў (з 20% да 25%) і даплат урачам-спецыялістам (з 20% да 24% акладу), медыцынскім работнікам, якія маюць сярэднюю спецыяльную адукацыю (з 13% да 16% акладу), а таксама ўстанаўленне даплат фармацэўтычным работнікам, якія маюць сярэднюю спецыяльную адукацыю (у памеры 1% акладу).
Міністэрству адукацыі даручана прыняць меры па рэалізацыі пастановы.
Пры выкарыстанні матэрыялаў актыўная гіперспасылка на mogilev-region.gov.by абавязковая
24.06.2025 - 16:19
Бальніцы і паліклінікі ў асобныя дні ліпеня зменяць графік працы
18.06.2025 - 09:34
Аперацыі на пазваночніку з дакладнасцю да міліметра. Рэвалюцыя ў нейрахірургіі ў Магілёве
16.06.2025 - 09:58
11.06.2025 - 10:44
Тыдзень нулявога траўматызму ў ахове здароўя прысвяцяць выкарыстанню сродкаў індывідуальнай абароны
10.06.2025 - 16:19