Заяўку на ўдзел у рэспубліканскім конкурсе інавацыйных праектаў можна падаць да 30 верасня. Такая інфармацыя размешчана на сайце Дзяржаўнага камітэта па навуцы і тэхналогіях.

«ДКНТ пры ўдзеле Беларускага інавацыйнага фонду, Міністэрства адукацыі, Нацыянальнай акадэміі навук, БРСМ праводзіць 11-ы штогадовы рэспубліканскі конкурс інавацыйных праектаў. Ён накіраваны на стымуляванне рэалізацыі перспектыўных праектаў, садзейнічанне ў пошуку інвестыцыйнай падтрымкі, стварэнне сістэмы па выяўленні і прасоўванні маладых таленавітых спецыялістаў, камерцыялізацыю вынікаў навуковых даследаванняў і распрацовак», – сказалі ў ДКНТ.

Конкурс праводзіцца па дзвюх намінацыях: «Найлепшы інавацыйны праект» і «Найлепшы маладзёжны інавацыйны праект». Яго ўдзельнікамі могуць быць юрыдычныя і фізічныя асобы. У намінацыі «Найлепшы маладзёжны інавацыйны праект» могуць прымаць удзел фізічныя асобы, узрост якіх не перавышае 35 гадоў. Канкурсанты самастойна выбіраюць, у якой намінацыі спаборнічаць.

Пераможцаў узнагародзяць дыпломамі і прэміямі: за першае месца–86 базавых велічынь (Br2322), за другое–57 БВ(Br1539), за трэцяе – 29 БВ (Br783). Сярод пераможцаў і прызёраў будуць адабраныя праекты для далейшай камерцыялізацыі, якія атрымаюць сертыфікат на атрыманне грашовых сродкаў у памеры 571 БВ (Br15417).

Для ўдзелу неабходна прайсці абавязковую рэгістрацыю на сайце конкурсу, запоўніўшы ўстаноўленыя арганізатарамі формы (заяўку, пашпарт і бізнес-план інавацыйнага праекта), і накіраваць у друкаваным выглядзе камплект конкурсных дакументаў на адрас Беларускага інавацыйнага фонду: 220012, г. Мінск, вул. Талбухіна, 2, офіс 217. Кантактны тэлефон + 375-17-336-05-69, e-mail: rkip@tut.by.

БЕЛТА