Зборнік артыкулаў «История Могилева: прошлое и современность» апублікаваны ў адкрытым доступе

Зборнік навуковых артыкулаў удзельнікаў XI Міжнароднай навуковай канферэнцыі «История Могилева: прошлое и современность», якая прайшла ў Магілёве ў чэрвені, апублікаваны ў вольным доступе на сайце Музея гісторыі Магілёва. Пра гэта расказаў дырэктар музея Аляксей Бацюкоў.

Выданне ўключае каля 80 артыкулаў аб розных аспектах гісторыі Магілёўшчыны і яе выдатных людзях. Сярод аўтараў – даследчыкі з Беларусі, Украіны, Расіі, Ізраіля і Польшчы.  

Электронную версію 457-старонкавага выдання можна паглядзець на сайце або спампаваць на камп’ютар, мабільную прыладу.

Папяровы варыянт выдання выпушчаны невялікім тыражом. Прадавацца кніга не будзе. Свае экзэмпляры атрымалі ўдзельнікі навуковай канферэнцыі, аўтары даследаванняў.

mogilevnews.by