Рус Бел Eng 中文

Жыхароў Магілёўскай вобласці 17 кастрычніка запрашаюць прыняць удзел у акцыі «Чысты лес»

Жыхароў Магілёўскай вобласці запрашаюць прыняць удзел у акцыі «Чысты лес». Мерапрыемства пройдзе 17 кастрычніка па ўсёй краіне і будзе прымеркавана да Года малой радзімы, як паведамілі карэспандэнту сайта ў Магілёўскім дзяржаўным вытворчым лесагаспадарчым аб’яднанні.

Па словах суразмоўцаў, неабыякавыя жыхары рэгіёна могуць аб’яднаць намаганні і ўнесці сваю лепту ў навядзенне парадку. На працягу дня валанцёры змогуць дапамагчы лясгасам ліквідаваць несанкцыянаваныя звалкі будаўнічых і бытавых адходаў, староннія прадметы ў лясах, якія прымыкаюць да аўтамабільных і чыгунак, вакол населеных пунктаў, садаводчых таварыстваў і дачных кааператываў. Асаблівая ўвага будзе нададзена месцам масавага адпачынку, добраўпарадкаванню памятных аб’ектаў.

Стаць удзельнікам акцыі можа кожны жадаючы. Для гэтага дастаткова звярнуцца ў лясгас або найбліжэйшае лясніцтва і заявіць аб сваім жаданні дапамагчы ў навядзенні парадку ў лесе.

Усіх удзельнікаў кампаніі забяспечаць неабходным інвентаром, а найбольш актыўным уручаць сувеніры. Каб атрымаць памятны падарунак, трэба размясціць фота і (або) відэа з акцыі ў сацыяльных сетках (Facebook, Instagram, Twitter) з хэштэгамі #ЧыстыЛес2020 #ЧистыйЛес2020. Акрамя таго, кожнае дзіця, якое далучылася да экалагічнай кампаніі, атрымае ад лесагаспадарчых устаноў фірмовую кепку з назвай акцыі.

«Арганізацыі Мінлясгаса штогод накіроўваюць значныя сілы і сродкі на працы па навядзенні парадку ў лясным фондзе. Разам з тым, праблема несанкцыянаваных звалак будаўнічых і бытавых адходаў, іншых старонніх прадметаў у лясах, якія прымыкаюць да аўтамабільных дарог і чыгунак, вакол населеных пунктаў, садаводчых таварыстваў і дачных кааператываў, на пляцоўках адпачынку і аўтастаянках па-ранейшаму застаецца актуальнай», – падкрэслілі суразмоўцы.

Дарэчы, акцыя «Чысты лес» для Беларусі ўжо традыцыйная. Упершыню яна адбылася ў 2010 годзе. Мерапрыемства актыўна падтрымліваецца мясцовымі выканаўчымі органамі ўлады, дзяржаўнымі, грамадскімі і камерцыйнымі арганізацыямі, школамі, вышэйшымі навучальнымі ўстановамі і іншымі арганізацыямі Рэспублікі.

У мінулым годзе акцыю «Чысты лес» падтрымала больш за 8,2 тыс.жыхароў Магілёўскай вобласці. Было ліквідавана 19 несанкцыянаваных звалак, з якіх прыбралі каля 511 кубаметраў смецця, ачышчана і прыведзена ў парадак 22 месцы адпачынку. Актыўны ўдзел у праекце прынялі работнікі Магілёўскага ДВЛГА. У Заходскім лясніцтве ДЛГУ «Магілёўскі лясгас» супрацоўнікі аб’яднання пасадзілі лясныя культуры, прыбралі тэрыторыі і прылеглы лясны масіў да базы адпачынку «Лясны кардон».

Добраахвотная акцыя праводзіцца па ініцыятыве Міністэрства лясной гаспадаркі. Асноўная мэта–прыцягнуць увагу грамадскасці да неабходнасці беражліва адносіцца да лесу і не засмечваць яго.

Пры выкарыстанні матэрыялаў актыўная гіперспасылка на mogilev-region.gov.by абавязковая