Указам Прэзідэнта Рэспублікі Беларусь ад 7 чэрвеня 2018 г. № 225 прадугледжана пашырэнне сістэмы безнаяўных жыллёвых субсідый для частковай аплаты аказваемых насельніцтву жыллёва-камунальных паслуг.
Згодна з дакументам, права на атрыманне безнаяўных жыллёвых субсідый атрымалі:
• па выяўленчым прынцыпе – грамадзяне, якія даглядаюць дзяцей ва ўзросце да трох гадоў, дзяцей-інвалідаў да 18 гадоў і атрымліваюць адпаведныя дапамогі ў органах па працы, занятасці і сацыяльнай абароне;
• грамадзяне, якія атрымліваюць дапамогу па доглядзе інваліда I групы альбо асобы, якая дасягнула васьмідзесяцігадовага ўзросту (дапамога дадзенай катэгорыі грамадзян будзе прадастаўляцца на падставе звестак інфармацыйных рэсурсаў Міністэрства працы і сацыяльнай абароны без неабходнасці збору якіх-небудзь дакументаў);
• па заяўным прынцыпе – грамадзяне або сем’і, якія не маюць уласнага жылля і пражываюць на здымных кватэрах ці ў інтэрнатах прадпрыемстваў недзяржаўнай формы ўласнасці (асноўная ўмова, як і раней, – штомесячная сума платы за жыллёва-камунальныя паслугі пры іх нарматыўным спажыванні не павінна перавышаць 20% ад сярэднямесячнага сукупнага даходу сям’і ў горадзе і 15% у сельскай мясцовасці).
Разам з тым устаноўлена, што грамадзянам, уключаным у спісы працаздольных, але тым, якія не заняты ў эканоміцы і аплачваюць паслугі па тарыфах, што забяспечваюць поўнае пакрыццё эканамічна абгрунтаваных затрат на іх аказанне, з 1 студзеня 2019 года субсідыі прадастаўляцца не будуць. Аднак члены сям’і, якія пражываюць сумесна з імі, правам на атрыманне субсідый валодаюць.
Па інфармацыі Нацыянальнага цэнтра прававой інфармацыі Рэспублікі Беларусь
