Цырымонія ўскладання ў гонар 102-й гадавіны з Дня ўтварэння магілёўскай міліцыі прайшла 19 мая ў абласным цэнтры каля памятнага знака УУС. У мерапрыемстве прыняло ўдзел кіраўніцтва ўпраўлення ўнутраных спраў на чале з начальнікам УУС Магілёўскага аблвыканкама генерал-маёрам міліцыі Ігарам Шчарбачэнем, а таксама старшынёй Магілёўскага абласнога Савета ветэранаў АУС і ВВ палкоўнікам міліцыі ў адстаўцы Яўгенам Каваленкам. Яны ўсклалі кветкі да памятнага знака УУС, аддаўшы даніну павагі загінулым вартавым правапарадку, а таксама многім пакаленням праваахоўнікаў Магілёўшчыны, якія ўнеслі свой важкі ўклад у агульную справу барацьбы са злачыннасцю і аховы правапарадку ў мірны і ваенны час.
Пры выкарыстанні матэрыялаў актыўная гіперспасылка на mogilev-region.gov.by абавязковая
