Выязное пасяджэнне прэзідыума навукова-кансультацыйнага савета па пытаннях сацыяльна-эканамічнага развіцця Рэспублікі Беларусь пры Прэзідыуме Савета Рэспублікі шостага склікання прайшло 13 верасня ў Магілёве. У мерапрыемстве прынялі ўдзел старшыня Савета Рэспублікі Міхаіл Мясніковіч, члены Савета Рэспублікі, дэпутаты Палаты прадстаўнікоў, кіраўнікі Міністэрства па падатках і зборах, Міністэрства фінансаў, прадстаўнікі мясцовых органаў улады і бізнесу. Асноўнае пытанне для абмеркавання - удасканаленне падатковага заканадаўства краіны. Адкрыла мерапрыемства сустрэча старшыні Магілёўскага аблвыканкама Леаніда Зайца з удзельнікамі пасяджэння. Далей праграма прадугледжвала наведванне цэнтраў абслугоўвання плацельшчыкаў у інспекцыях МПЗ Ленінскага раёна горада Магілёва і Магілёўскага раёна, СЗАТ «Сервалюкс» і ААТ «Магілёўліфтмаш», дзе выступілі дакладчыкі па тэме пасяджэння.
Фотаздымкі ўласныя і mogilevnews.by
Пры выкарыстанні матэрыялаў актыўная гіперспасылка на mogilev-region.gov.by абавязковая