Свята адкрыцця новага навучальнага года «Дарогі натхнення і творчасці» завяршыла тыдзень устаноў дадатковай адукацыі дзяцей і моладзі ў Магілёўскай вобласці. Мерапрыемства адбылося на пляцоўцы абласнога цэнтра творчасці 7 верасня. Для дзяцей былі арганізаваны вясёлыя атракцыёны, гульні, спартыўныя эстафеты, інтэрактыўныя пляцоўкі па вырабе мадэляў самалётаў, стварэнні букетаў, кветкавых кампазіцый, упрыгожванняў з прыроднага матэрыялу. Удзельнікі свята змаглі прайсці турысцкую паласу перашкод, пакаштаваць духмянай гарбаты ў фітабары. Акрамя таго, тут працаваў інфацэнтр, дзе дзеці і іх бацькі змаглі пазнаёміцца з дзейнасцю абласнога цэнтра творчасці і выбраць аб’яднанні па інтарэсах. Святочную атмасферу дапоўнілі выступленні мастацкіх калектываў.
Пры выкарыстанні матэрыялаў актыўная гіперспасылка на mogilev-region.gov.by абавязковая