VII міжрэгіянальнае свята-конкурс «Зялёныя святкі» адбылося 16 чэрвеня на крыніцы Байкава Чавускага раёна. Адкрыла мерапрыемства аднайменная праграма, якую прадставіў Дужаўскі сельскі Дом народнай творчасці. Пасля пачаўся конкурс рэгіянальных карагодаў і гульнявых момантаў абраду «Кумленне». Па выніках выступленняў журы вызначыла пераможцаў, якіх адзначылі дыпломамі і падарункамі. На свяце працавала выстава-продаж вырабаў майстроў дэкаратыўна-прыкладной творчасці. Гасцей мерапрыемства таксама запрасілі пацешыцца на спартыўных і дзіцячых пляцоўках. Адным з цэнтральных падзей стала асвячэнне крыніц, пасля чаго кожны змог набраць крынічнай вады і акунуцца ў купель для ачышчэння цела і душы. Фіналам свята стаў канцэрт найлепшых калектываў раёна.
Фота – чавуская раённая газета «Іскра»
Пры выкарыстанні матэрыялаў актыўная гіперспасылка на mogilev-region.gov.by абавязковая