Выстава «Шлях майстра» адкрыецца 16 жніўня ў абласным мастацкім музеі імя П.В. Масленікава

Урачыстае адкрыццё выставы «Шлях майстра» адбудзецца 16 жніўня ў 16:00 у Магілёўскім абласным мастацкім музеі імя П.У. Масленікава. Экспазіцыя прысвечана памяці выдатнага мастака з Магілёва, члена Беларускага саюза мастакоў Барыса Іванавіча Первунінскіх.

Мастак працаваў у станковым жывапісе і графіцы ў жанры нацюрморта, пейзажа і фігуратыўнай карціны. Выстаўка дасць магчымасць пазнаёміцца з разнастайнасцю тэматыкі ў яго творчасці. Гэта і магілёўскія вуліцы, працоўныя і спартовыя будні, сям'я, прырода, Вялікая Айчынная вайна.

Выстава працягнецца з 16 жніўня да 15 верасня.

Рэд.