Старшыня Магілёўскага аблвыканкама Леанід Заяц і памочнік Прэзідэнта – інспектар па Магілёўскай вобласці Міхаіл Русы падчас рабочай паездкі азнаёміліся са ступенню гатоўнасці Асіповіцкай цэнтральнай раённай бальніцы да запланаванага ў лістападзе адкрыцця.
«Рамонтныя работы ў бальніцы падышлі да канца. Ідзе ўстаноўка і наладка медыцынскага абсталявання. У найбліжэйшы час бальніца ўжо прыме першых пацыентаў», – заўважыў галоўны ўрач Асіповіцкай ЦРБ Павел Шаціла.
Першапачаткова планавалася, што новы корпус бальніцы стане тэрапеўтычным, аднак у 2017 годзе райвыканкам прыняў рашэнне зрабіць яго хірургічным. У выніку ў новым корпусе размясціліся прыёмнае, акушэрскае і гінекалагічнае аддзяленні. Тут жа знаходзяцца аперацыйныя і рэанімацыі. «Усё гэта дазволіць палепшыць якасць і даступнасць медыцынскіх паслуг для жыхароў Асіповіцкага раёна. Раней мы былі вымушаны адпраўляць людзей у Бабруйск і Магілёў. Гэта стварала складанасці як у транспарціроўцы, так і ў аказанні экстранай дапамогі цяжкім хворым», – падкрэсліў Павел Шаціла.
Сярод новаўвядзенняў – аддзяленне гемадыялізу і кабінет камп’ютарнай тамаграфіі. Закуплена шэсць апаратаў «штучнай ныркі». Ужо ўстаноўлены камп’ютарны тамограф беларускай вытворчасці. Гэтым аб’ектам Леанід Заяц і Міхаіл Русы надалі асаблівую ўвагу падчас абходу.
Асіповіцкая бальніца разлічана на 100 чалавек. «Плануецца, што яна стане міжраённым цэнтрам дапамогі. Ужо цяпер можна гаварыць пра тое, што гемадыяліз і камп’ютарная тамаграфія будуць запатрабаваны жыхарамі не толькі нашага раёна, але і суседніх», – упэўнены галоўны ўрач.
На будаўніцтва бальніцы выдаткавана больш за Br30 млн, з іх звыш Br11 млн – на медыцынскае абсталяванне. Грошы выдзелены з рэспубліканскага, абласнога і мясцовага бюджэтаў.
Плануецца, што ў 2020 годзе на базе медыцынскай установы будзе створаны міжраённы анкалагічны скрынінгавы цэнтр, бальніца таксама зможа аказваць нефралагічную, траўматалагічную, дыягнастычную дапамогу жыхарам сумежных раёнаў.
Пры выкарыстанні матэрыялаў актыўная гіперспасылка на mogilev-region.gov.by абавязковая
04.04.2025 - 20:00
03.04.2025 - 19:40
02.04.2025 - 12:40
01.04.2025 - 09:25
Магілёўская вобласць набліжаецца да экватара па сяўбе ранніх яравых збожжавых і зернебабовых
31.03.2025 - 10:27
У Магілёўскай вобласці збожжавыя культуры пасеяны на плошчы 47,9 тыс. га