Усяго 4 хвіліны спатрэбілася, каб эвакуіраваць наведвальнікаў і персанал «Атрыума» – самага буйнога гандлёвага-забаўляльнага цэнтра Магілёва. Гэта было заданне для спецслужбаў у «Адзіны дзень бяспекі».
У 10 раніцы ў «Атрыуме» загучала сірэна і просьба пакінуць будынак гандлёвага цэнтра. Потым з’явіліся машыны хуткай дапамогі, пажарныя, міліцыя, ахова. Так праходзяць навучальныя эвакуацыі падчас абвешчанага ў Беларусі «Адзінага дня бяспекі».
Падчас вучэнняў ратавальнікі пусцілі спецыяльны дым дзеля праверкі сістэмы пажарнай бяспекі. Яна ў гандлёвым цэнтры электронная, апавяшчае аб няспраўнасцях, кантралюе працу пажарных сігналізацый і сістэму дымавыдалення. Сістэма не падвяла.
Спецыяльна навучаныя людзі кантралююць і працу эскалатараў і ліфта. Супрацоўнікі эвакуіруюцца разам з наведвальнікамі. Паводле слоў работнікаў «Атрыума», гэтыя дзеянні яны не раз адпрацоўвалі з адкрыцця гандлёва-забаўляльнага цэнтра, таму ведаюць, што рабіць, бо навучаліся па спецыяльнай праграме МНС.
Пасля эвакуацыі людзей ратавальнікі яшчэ раз агледзелі ўвесь гандлёвы цэнтр. Ацэнку дзеянням усіх службаў, якія ўдзельнічалі ў вучэбнай эвакуацыі, эксперты дадуць пазней.
Пры выкарыстанні матэрыялаў актыўная гіперспасылка на mogilev-region.gov.by абавязковая
16.09.2025 - 09:43
З канцэртам - у цэх: магіляўчане атрымліваюць незвычайныя віншаванні з Днём народнага адзінства
16.09.2025 - 09:04
Каля 300 удзельнікаў з Беларусі і Расіі збярэ Магілёў на фестывалі СД «Разам мы зможам больш»
16.09.2025 - 08:59
15.09.2025 - 15:44