Рус Бел Eng 中文

Акцыю да Дня маці правядуць у Беларуска-Расійскім універсітэце

Традыцыйную акцыю правядзе прафсаюзны камітэт студэнтаў і супрацоўнікаў Беларуска-Расійскага ўніверсітэта сёння ў ВНУ. Пра гэта паведамілі ў Магілёўскім абласным аб’яднанні прафсаюзаў.

«Штогод у ВНУ праходзіць мерапрыемства ў Дзень маці. Мы стараемся стварыць атмасферу свята для мам, якія вучацца або працуюць ва ўніверсітэце, і яшчэ раз сказаць ім дзякуй», – адзначыла старшыня першаснай арганізацыі студэнтаў БРУ Марына Бяляева.

У холе навучальнага корпуса будзе працаваць тэматычная фотазона, на экранах будуць трансляваць віншавальны відэарад, а студэнты ВНУ пачастуюць прысмакамі. «Усім жадаючым раздадуць паштоўкі ў межах прафсаюзнай рэспубліканскай акцыі «Павіншуем маму разам!». Святочная паштоўка з цёплымі і добрымі словамі – добры спосаб нагадаць мамам, як моцна мы іх любім», – падкрэсліла Марына Бяляева.

У гэты ж дзень адбудзецца святочны канцэрт для мам навучэнцаў вучэбна-педагагічнага комплексу дзіцячы сад – сярэдняя школа № 12. «Канцэрт у гонар мам арганізаваны сумеснымі сіламі прафкама і адміністрацыі ўстановы адукацыі. Радаваць творчымі нумарамі і выступленнямі будуць вучні школы», – адзначылі ў абласным аб’яднанні прафсаюзаў.

Плануецца, што гасцямі канцэрта стануць каля 130 чалавек.

БЕЛТА

Пры выкарыстанні матэрыялаў актыўная гіперспасылка на mogilev-region.gov.by абавязковая