Рус Бел Eng 中文

Асабісты прыём грамадзян правёў старшыня Магаблвыканкама Леанід Заяц

Асабісты прыём грамадзян правёў сёння старшыня Магілёўскага аблвыканкама Леанід Заяц. Да кіраўніка Прыдняпроўскага краю з пытаннямі звярнулася больш за дваццаць жыхароў рэгіёна (з улікам некалькіх выпадкаў сумесных зваротаў). Праблематыка ў асноўным мела асобасны характар, але былі і звароты значнага грамадскага плану.

Напрыклад, некалькі жыхароў пасёлка Любонічы Кіраўскага раёна паведамілі аб праблеме пагаршэння ўмоў пражывання ў іх населеным пункце. Першапрычыны неспрыяльнай сітуацыі, на іх думку, звязаны з дзейнасцю мясцовага прыватнага прадпрыемства, якое спецыялізуецца на дрэваапрацоўцы.

Неналежнае, як лічаць заяўнікі, выкананне санітарна-экалагічных патрабаванняў прывяло да павышанай задымленасці навакольнай жылой тэрыторыі і павышэнню ўзроўню шуму. Акрамя таго, паветра стала запыленым і загазаваным.

Становішча спраў пагаршаецца яшчэ і спосабам вядзення мясцовымі дрэваапрацоўшчыкамі разгрузна-пагрузачных работ. Адбываюцца яны, паводле сведчання тых, хто звярнуўся, на праезджай частцы пасялковай дарогі і нярэдка перашкаджаюць руху транспарту.

Усе звароты, якія паступілі ў ходзе прыёму грамадзян старшынёй аблвыканкама, узяты на кантроль.

Па матэрыяле mogilevnews.by

Пры выкарыстанні матэрыялаў актыўная гіперспасылка на mogilev-region.gov.by абавязковая