Рус Бел Eng 中文

«Бабруйскаграмаш» паставіць у Сербію ў 2020 годзе сельгастэхніку больш чым на 500 тыс. еўра

ААТ «Кіруючая кампанія холдынгу “Бабруйскаграмаш”» і сербская кампанія Agropanonka MTZ Finke d.o.o заключылі кантракт на пастаўку сельскагаспадарчай тэхнікі на суму больш за 500 тыс. еўра, паведамілі ў «Бабруйскаграмашы».

Дакумент падпісаны на сербска-беларускім бізнес-форуме ў Бялградзе. У адпаведнасці з умовамі кантракту тэхніка будзе пастаўляцца на працягу 2020 года.

«Рынак Сербіі з’яўляецца адным з найбольш перспектыўных для холдынгу «Бабруйскаграмаш» у Еўропе. Супрацоўніцтва з кампаніяй Agropanonka MTZ Finke d.o.o пачата толькі ў сярэдзіне 2019 года і развіваецца апераджальнымі тэмпамі, – адзначылі на прадпрыемстве. – Рэалізацыя дасягнутых у Бялградзе дамоўленасцей прывядзе да павелічэння продажу сельскагаспадарчай тэхнікі «Бабруйскаграмаш» у Сербіі».

З беларускага боку кантракт падпісала генеральны дырэктар ААТ «УКХ “Бабруйскаграмаш”» Надзея Лазарэвіч, з сербскага – генеральны дырэктар кампаніі Agropanonka MTZ Finke d.o.o Драгалюб Швоня.

Холдынг «Бабруйскаграмаш» – вядучы беларускі вытворца навясной і прычапной сельскагаспадарчай тэхнікі. У склад холдынгу ўваходзяць 6 машынабудаўнічых прадпрыемстваў. Тэхніка «Бабруйскаграмаша» працуе больш чым у 50 краінах.

БЕЛТА

Пры выкарыстанні матэрыялаў актыўная гіперспасылка на mogilev-region.gov.by абавязковая