Рус Бел Eng 中文

Беларускія лучніцы падтрымаюць Магілёўскі абласны комплексны ЦАР

Уладальнікі срэбра ў камандным першынстве па стральбе з класічнага лука II Еўрапейскіх гульняў у межах праекта «Алімпійскі шлях» вырашылі падтрымаць калег з рэгіёна. Пра гэта расказала галоўны трэнер нацыянальнай жаночай каманды па стральбе з лука Кацярына Цімафеева ў эфіры тэлеканала «Беларусь 1».

«У нашай камандзе дзве прадстаўніцы Магілёўскага абласнога комплекснага цэнтра алімпійскага рэзерву – Карына Дзёмінская і Ганна Марусава, таму разам мы прынялі рашэнне перавесці сродкі ў памеры Br 10 тыс. на развіццё гэтай установы», – падкрэсліла галоўны трэнер.

Беларускае трыа – Карына Казлоўская, Ганна Марусава і Карына Дзёмінская – 22 чэрвеня заваявала серабро ў камандным першынстве па стральбе з класічнага лука.

Як паведамлялася, беларускія спартсмены, якія вызначыліся на II Еўрапейскіх гульнях, змогуць дапамагчы спартыўным школам, камандам і атлетам па праекце «Алімпійскі шлях». Чэмпіёны і прызёры ў алімпійскіх відах спорту, а таксама тыя, хто ўсталяваў асабісты рэкорд, выберуць вучэбна-спартыўную ўстанову, якой Прэзідэнцкі спартыўны клуб акажа фінансавую дапамогу на ўмацаванне матэрыяльна-тэхнічнай базы.

II Еўрапейскія гульні праходзяць у Мінску па 30 чэрвеня. У іх удзельнічае больш за 4 тыс. спартсменаў з 50 краін.

БЕЛТА

Пры выкарыстанні матэрыялаў актыўная гіперспасылка на mogilev-region.gov.by абавязковая