Дрэваапрацоўчы цэх адкрылі ў Клімавіцкім лясгасе

У ДЛГУ «Клімавіцкі лясгас» днямі адкрылі дрэваапрацоўчы цэх.

Тэхналагічная лесапільная лінія складаецца з канвеера, адзінкавай падачы бярвення, брусовачнага станка з кантавальнікам і канвеерам падзелу гарбыля і бруса, мнагапільных станкоў, абсталявання для перапрацоўкі гарбыля, барабаннай драбнілкі з істужачным транспарцёрам. Вырабленае ў Польшчы абсталяванне здольнае перапрацаваць да 12,6 тыс. куб. м прадукцыі ў год.

Усе працы ўдалося выканаць на працягу трох месяцаў. Кошт аб’екта – Br 904 тыс. Гэта амаль на Br 280 тыс. танней, чым было заяўлена праектнай дакументацыяй.

Дзякуючы адкрыццю новага цэха на прадпрыемстве з’явілася 18 новых рабочых месцаў.

Па выніках працы за першае паўгоддзе 2019 года ДЛГУ «Клімавіцкі лясгас» дамаглася нядрэнных вытворчых вынікаў. У Клімавіцкім і Крычаўскім раёнах прадпрыемства абслугоўвае каля 100 тыс. га лясных угоддзяў. Ва ўстанове працуе больш за 370 чалавек. У сярэднім тут нарыхтоўваюць ад 15 да 18 тыс. куб. м дзелавой драўніны і дроў на месяц.

Па матэрыяле газеты "Родная ніва"