«Дзень вышыванкi» адзначаць сёння ва усіх раёнах Магілёўскай вобласці. Мерапрыемства арганізуюць штогод напярэдадні Дня Незалежнасці Беларусі, паведамілі ў абласным камітэце ГА «БРСМ».
У праграме святаў – выступленні маладзёжных калектываў, прэзентацыі работы рамеснікаў і народных майстроў, нацыянальныя стравы, інтэрактыўныя пляцоўкі і фотазоны, тэматычныя конкурсы і інш.
У Магілёўскім раёне мерапрыемствы пачнуцца ў 17.00 на базе аздараўленчага лагера «Любуж». Для ўдзельнікаў падрыхтавалі спартыўную эстафету «Бульбатлон», віктарыну «Таямніца беларускага арнаменту», квэст «Пошук арнаменту». Акрамя таго, запланаваны майстар-класы па беларускім танцы і вырабе абярэгаў. Пройдуць забаўляльныя гульні для дзяцей, конкурсы малюнкаў на асфальце, будуць працаваць фотазоны. Плануецца, што ў свяце прымуць удзел каля 200 чалавек.
«Сёння нацыянальны арнамент набірае ўсё большую папулярнасць, становіцца неад’емнай часткай у афармленні адзення, прадметаў побыту, візуальнай прасторы, – адзначылі суразмоўцы. – «Вышыванка» – гэта не толькі патрыятычна, але і модна, стыльна сярод людзей усіх узростаў, у тым ліку моладзі».
Рэспубліканскі праект «Дзень вышыванкi» накіраваны на папулярызацыю нацыянальных традыцый, пашырэнне культурнага асяроддзя і духоўнай свядомасці беларусаў, садзейнічанне развіццю і рэалізацыі грамадска значных ініцыятыў. Ён рэалізуецца з 2016 года. На гэтае свята гасцей запрашаюць прыходзіць у адзенні з нацыянальным каларытам. Галоўным сімвалам свята быў і застаецца беларускі арнамент – узор-шыфр, які здаўна стаў для беларусаў своеасаблівым абярэгам.
Пры выкарыстанні матэрыялаў актыўная гіперспасылка на mogilev-region.gov.by абавязковая
23.04.2025 - 10:29
Дзень адчыненых дзвярэй пройдзе 26 красавіка ў Магілёўскім інстытуце МУС
22.04.2025 - 09:31
Моладзевы электронны кірмаш вакансій пройдзе 24 красавіка ў Магілёве
18.04.2025 - 11:00
17.04.2025 - 09:30
Лепшага першакурсніка вызначылі ў Магілёўскім спецыялізаваным ліцэі МУС Рэспублікі Беларусь