Рус Бел Eng 中文

Гарачую лінію па пытаннях арганізацыі закупак у насельніцтва лішкаў сельгаспрадукцыі, грыбоў і ягад правядзе 29 жніўня КДК Магілёўскай вобласці

Гарачую лінію на тэму «Меры,якія прымаюцца ў вобласці, па арганізацыі закупак у насельніцтва лішкаў сельскагаспадарчай прадукцыі, дзікарослых грыбоў і ягад» правядзе 29 жніўня Камітэт дзяржкантролю Магілёўскай вобласці.

У гэты дзень жыхары рэгіёна з 9.00 да 13.00 і з 14.00 да 16.00 па тэлефоне (80222) 31-06-04 могуць паведаміць інфармацыю аб недахопах пры ажыццяўленні закупак вырашчанай імі сельгаспрадукцыі, нарыхтаваных грыбоў і ягад.

«Нарыхтоўчая дзейнасць спажывецкай кааперацыі з’яўляецца дадатковай крыніцай таварных і сыравінных рэсурсаў для нашай дзяржавы, выконвае важную сацыяльную функцыю па павелічэнні грашовых даходаў сельскага насельніцтва, – адзначыў першы намеснік старшыні кантралюючага ведамства Юрый Фралоў. – Кіраўнік краіны перад Белкаапсаюзам паставіў задачы па ўдасканаленні гэтай дзейнасці, павелічэнні аб’ёмаў нарыхтовак у насельніцтва лішкаў сельгаспрадукцыі, дзікарослых грыбоў і ягад».

Пры выкарыстанні матэрыялаў актыўная гіперспасылка на mogilev-region.gov.by абавязковая