Рус Бел Eng 中文

Гастранамічны турызм зараджаецца ў Мсціслаўскім раёне

Сельскі гастранамічны турызм зараджаецца ў вёсцы Каробчына Мсціслаўскага раёна. Ён аб’ядноўвае аграэкасядзібу, малочную падсобную гаспадарку і рамеснікаў.

«Духмяны сад» – дзіўнае месца. Гаспадары сядзібы – муж і жонка: ураджэнец вёскі Каробчына пасля падарожжаў прывёз на радзіму жонку-масквічку. Разам яны ператвараюць у экагастрасад стары дом і ўчастак зямлі над Віхрой.

Каробчына – фактычна прыгарад Мсціслава. Літаральна кіламетр – і вёска, дзе жыве амаль чатыры сотні жыхароў. Лад жыцця тут практычна гарадскі: жыхары працуюць часцей за ўсё ў райцэнтры, па прадукты ходзяць у краму, і мала хто трымае тут гаспадарку.

Любоў да свойскіх малочных прадуктаў прымусіла мужа і жонку Косік пачаць сваю сельскую справу. Тварог і сыр цяпер актыўна выкарыстоўваюцца ў падрыхтоўцы ежы на гастрасядзібе. Суседзі таксама не стаяць на месцы – іх праект падтрымаў грант.

Расаднік – гэта для вырошчвання расады трускалкі і таматаў, потым – кветак. Пакуль на вясну на сядзібе «Духмяны сад» адкрыецца толькі адно працоўнае месца ў цяпліцы. Але калі справа пойдзе далей, будзе паспяховай і прыбытковай, то і новыя не прымусяць сябе чакаць. Мэта гаспадароў – стварыць вялікую цяплічную гаспадарку. Каля гектара зямлі, дзе стаялі старыя дамы, перадаў ініцыятыўным людзям сельсавет.

Цікавы момант, што да супольнасці новых сельскіх бізнесменаў далучыліся і Мсціслаўскія рамеснікі. На сядзібе паказваюць работы майстра па дрэве. Ну, і не забудзем пра галоўную мэту праекта – прывабіць турыстаў, даць ім адпачынак і смачна накарміць.

ТРК «Магілёў»

Пры выкарыстанні матэрыялаў актыўная гіперспасылка на mogilev-region.gov.by абавязковая