Каманда Магілёўскай вобласці заняла першае месца на Кубку Беларусі па лёгкай атлетыцы

У Брэсце завяршыўся Кубак Беларусі па лёгкай атлетыцы. Спартсмены змагаліся не толькі за ўзнагароды, але і за пуцёўкі на камандны чэмпіянат Еўропы, які ў жніўні прыме Нарвежскі Санес.

Лёгкаатлеты Магілёўшчыны заваявалі на спаборніцтвах 9 залатых, 4 сярэбраныя, 6 бронзавых медалёў і занялі першае месца ў агульнакамандным заліку. Пераможцамі турніру сталі: эстафетная каманда (Ілья Кароцін, Уладзіслаў Аляксандраў, Сяргей Войцыцкі, Віктар Сінкавец) у бегу 4х100 м, Сяргей Сяркоў (бег на 400 м з бар’ерамі), Віктар Сінкавец (бег на 110 м з бар’ерамі), Таццяна Шабанава (бег на 3000 м з перашкодамі), Сяргей Карпаў (бег на 800 м), Сяргей Платонаў (бег на 3000 м), Уладзіслаў Булахаў (скачок у даўжыню), Святлана Сярова (кіданне дыска), Дзмітрый Набокаў (скачок у вышыню).

Другое агульнакаманднае месца занялі спартсмены Гродзенскай вобласці, на трэцім месцы – зборная Брэстчыны.

mogilevnews.by