Магілёўская хрысціянская дабрачынная арганізацыя «Благо» перадала абласному супрацьтуберкулёзнаму дыспансеру мэблю для клінічнай лабараторыі. Гэта частка дапамогі медыкам у барацьбе з COVID-19.

Медыкі адзначаюць рост вірусных пнеўманій, выкліканых каранавірусам. Таму любая дапамога ў барацьбе з хваробай будзе дарэчы.

У лабараторыі супрацьтуберкулёзнага дыспансера колькасць даследаванняў павялічылася ўтрая. Каб сачыць за станам каранавірусных пацыентаў, робіцца некалькі розных даследаванняў крыві. «Благо» даўно супрацоўнічае з бальніцамі рэгіёна. Падчас эпідэміі, калі павялічыўся паток пацыентаў, спатрэбіліся дадатковыя ложкі, бялізна, матрасы, каталкі і проста горы медыцынскіх масак і пальчатак.

ТРК «Магілёў»