Кіраўніцтва Магілёўскага абласнога драматычнага тэатра прыняло рашэнне адмяніць усе спектаклі з 1 па 21 красавіка ўключна, а калектыў перавесці ў рэпетыцыйны рэжым працы, паведаміла кіраўнік літаратурна-драматургічнай часткі тэатра Вольга Семчанка.
Паводле слоў суразмоўніцы, такое рашэнне было прынята ў сувязі з эпідэміялагічнай сітуацыяй і звязаным з ёй рэзкім зніжэннем наведвальнасці спектакляў.
«Магіляўчане імкнуцца пазбягаць месцаў масавага збору людзей, адмаўляюцца ад наведвання мерапрыемстваў, у тым ліку ад паходаў у тэатр. Многія гледачы вяртаюць грошыў касе тэатра за раней набытыя квіткі, – патлумачыла Вольга Семчанка. – Спектаклі праходзяць практычна пры пустой зале (10–15 набытых квіткоў), што эканамічна немэтазгодна, улічваючы выдаткі на электраэнергію, ацяпленне, заработную плату супрацоўнікам. У выніку адміністрацыя тэатра вымушана скасаваць спектаклі. У такой сітуацыі мы імкнёмся захаваць сваю аўдыторыю, падтрымаць гледачоў і калектыў тэатра. Працягваючы працаваць у рэпетыцыйным рэжыме, мы рыхтуемся да будучых прэм’ер, якія парадуюць нашых гледачоў».
Суразмоўніца нагадала, што ў найбліжэйшы час можна будзе паглядзець тэлеверсіі спектакляў Магілёўскага драмтэатра. Іх трансляцыі пройдуць з 4 па 26 красавіка на тэлеканале «Беларусь 4 “Магілёў”», а таксама на сайце і ў групе тэлеканала ў сацсетках.
Пры выкарыстанні матэрыялаў актыўная гіперспасылка на mogilev-region.gov.by абавязковая
18.03.2024 - 10:21
Беларусь на дзіцячым вакальным конкурсе «Славянскага базару-2024» прадставіць Злата Ярашэвіч
18.03.2024 - 09:58
На міжнародным конкурсе эстраднай песні «Славянскага базару» Беларусь прадставіць Аляксандра Насоль
18.03.2024 - 09:50
Удзельнікі нацадбору на «Славянскі базар у Віцебску»: тут ты атрымліваеш неверагодныя эмоцыі
14.03.2024 - 16:30
14.03.2024 - 09:55
Адборачны тур на фестываль «Славянскі базар-2024» прайшоў у Бялынічах