Магілёўскі вагонабудаўнічы завод асвоіў вытворчасць пуцявой вагоннай тэхнікі новага пакалення

Магілёўскі вагонабудаўнічы завод асвоіў вытворчасць пуцявой вагоннай тэхнікі новага пакалення. Пра гэта паведаміла намеснік начальніка вытворча-тэхнічнага аддзела Магілёўскага абласнога ўпраўлення па наглядзе за рацыянальным выкарыстаннем ПЭР Дэпартамента па энергаэфектыўнасці Эма Урублеўская.

«Сёння ў пуцявой гаспадарцы Беларусі рэалізуецца Праграма аснашчэння жалезных дарог сучаснымі энергаэфектыўнымі пуцявымі машынамі і сродкамі кантролю стану пуцей, – адзначыла субяседніца. – У СЗАТ «Магілёўскі вагонабудаўнічы завод» з прыцягненнем перадавых замежных фірмаў асвоена вытворчасць пуцявой вагоннай тэхнікі новага пакалення». Гэта, перш за ўсё, універсальныя і спецыялізаваныя чатырохвосевыя паўвагоны з узмоцненымі рамай і нахільнымі кантавымі бартамі для павелічэння аб’ёму грузаў, сістэмамі тармазоў з раўнамерным размеркаваннем тармазных сіл па калясках і ўтулкамі з кампазіцыйных матэрыялаў, якія не патрабуюць змазкі пры эксплуатацыі.

Акрамя таго, для арганізацыі якаснай зборкі выпускаемай вагоннай прадукцыі (вагоны-хоперы, універсальныя вагоны і паўвагоны, платформы, двухвосевыя каляскі і інш.) таварыствам штогод плануюцца і ўкараняюцца ў вытворчасць сучасныя тэхналагічныя рашэнні, накіраваныя на эканомію энергарэсурсаў. Планамі мерапрыемстваў па энергазберажэнні на 2019-2020 гады прадугледжана штогадовая замена існуючых электранагравальных печаў (па адной штогод) устаноўкамі індукцыйнага нагрэву заклёпванняў з транзістарных генератарам. Пры гэтым час нагрэву заклёпванняў на існуючым абсталяванні – 4032 гадзін на год – зніжаецца да 466 на сучасным генератары. Гадавое зніжэнне расходу электрычнай энергіі складзе не менш за 155920 кВт/г. або 49,6 тут па кожнай печы.