Рус Бел Eng 中文

Міжнародная навукова-практычная канферэнцыя «Машынабудаванне і металаапрацоўка» адкрылася сёння ў Магілёве

Міжнародная навукова-практычная канферэнцыя «Машынабудаванне і металаапрацоўка» адкрылася сёння ў Магілёве.

У цырымоніі пераразання чырвонай стужачкі, якая дала старт мерапрыемству, прынялі ўдзел старшыня Магілёўскага аблвыканкама Леанід Заяц, памочнік Прэзідэнта – інспектар па Магілёўскай вобласці Міхаіл Русы і старшыня Дзяржаўнага камітэта па навуцы і тэхналогіях Рэспублікі Беларусь, доктар эканамічных навук, дацэнт Аляксандр Шумілін.

Адкрываючы канферэнцыю, кіраўнік рэгіёна заўважыў, што для Магілёўскай вобласці прымаць мерапрыемства такога ўзроўню – вялікі гонар. У горад на Дняпры прыехалі спецыялісты з Беларусі, Расіі, Польшчы, Германіі, Літвы, Латвіі, Турцыі, Кітая, Індыі, Японіі. У іх ліку прадстаўнікі міжнародных галіновых арганізацый і дзелавых супольнасцей, замежных ведамстваў, якія курыруюць пытанні прамысловага развіцця, кіраўнікі дыпламатычных місій і гандлёва-эканамічных службаў замежных дзяржаў, а таксама кіраўнікі беларускіх прадпрыемстваў машынабудаўнічай і металаапрацоўчай прамысловасці, прыгранічных краін і далёкага замежжа, навукоўцы і бізнесмены.

Развіццё машынабудавання і металаапрацоўкі з’яўляецца найбольш актуальнай тэмай народна-гаспадарчага комплексу любой краіны, падкрэсліў Леанід Заяц. І ў гэтым кірунку чалавецтва дасягнула значных вышынь, дзякуючы гэтай сферы ідзе рост прамысловасці, удасканальваюцца касметычныя тэхналогіі, умацоўваецца ваенны комплекс, людзі забяспечаны прадуктамі. Пры гэтым важна, што вобласць не стаіць на месцы, і магілёўская пляцоўка з’яўляецца базай, дзе ўдзельнікі канферэнцыі змогуць абмяняцца вопытам і атрымаць новыя веды.  

Падчас мерапрыемства госці азнаёмяцца з умовамі функцыянавання і прэферэнцыямі, якія прапануе СЭЗ «Магілёў», дзеючай ў Беларусі заканадаўчай базай для прыцягнення інвестыцый і тэхналогій, наведаюць рэгіянальныя прадпрыемствы машынабудавання і металаапрацоўкі, што, у сваю чаргу, дапаможа ўдзельнікам канферэнцыі наладзіць новыя кантакты, знайсці партнёраў, а Магілёўскай вобласці – умацаваць эканоміку, канстатаваў Міхаіл Русы. 

«Інавацыйнае развіццё ўжо больш за 20 гадоў з’яўляецца стратэгічным прыярытэтам у развіцці эканомікі Беларусі, – падкрэсліў Аляксандр Шумілін. – У нас ёсць таленавітыя навукоўцы, інжынеры. Іх сумесная праца дае сур’ёзны ўклад у эканоміку нашай краіны».

У Магілёўскай вобласці, паводле слоў старшыні Дзяржкамітэта па навуцы і тэхналогіях, рэалізуецца 11 інавацыйных праектаў, уключаных у Дзяржаўную праграму інавацыйнага развіцця. Гэтыя праекты – толькі маленькая частка прамысловасці рэгіёна. Аднак за 9 месяцаў гэтыя арганізацыі зрабілі інавацыйнай прадукцыі на Br 7,5 млн., прычым асноўная яе частка была накіравана на экспарт.

«Сумесная праца навукоўцаў і прамыслоўцаў забяспечвае рост паказчыкаў інавацыйнага развіцця, – канстатаваў Аляксандр Шумілін. У Магілёўскай вобласці толькі за апошні год аб’ём інавацыйнай прадукцыі павялічыўся на 1,5 %. Краіна ў цэлым за мінулы год паднялася ў глабальным індэксе навацый на 14 пунктаў. Мы прыступілі да фарміравання праграмы інавацыйнага развіцця на наступную пяцігодку. Таму вылучайце новыя прапановы, а мы заўсёды гатовы падтрымаць іх для сумеснага развіцця».

Пры выкарыстанні матэрыялаў актыўная гіперспасылка на mogilev-region.gov.by абавязковая