Якасць вады ў калодзежах, дапамога ў працаўладкаванні, вырашэнне камунальных праблем – гэта толькі частка тэм, закранутых у чацвер падчас асабістага прыёму грамадзян памочнікам Прэзідэнта – інспектарам па Магілёўскай вобласці Міхаілам Русым у Касцюковічах.
Што характэрна, на сустрэчу з памочнікам Прэзідэнта прыбылі жыхары не толькі Касцюковіцкага раёна. Па дапамогу ў вырашэнні набалелых пытанняў звярнуліся прадстаўнікі Магілёва, Чавус, Краснаполля, Клімавіч, Асіповіч – усяго 10 чалавек.
Маці Аляксандра Калеснікава жыве ў вёсцы Лапатовічы Клімавіцкага раёна. У населеным пункце, паводле слоў Аляксандра Аляксандравіча, ёсць некалькі калодзежаў. Але не ва ўсіх вада здавальняльнай якасці. Тыя, дзе з якасцю ўсё ў парадку, знаходзяцца на дастаткова вялікай адлегласці ад дома маці. Жанчыне, інваліду 2-й групы, вельмі праблематычна самастойна даставіць пітную ваду для падрыхтоўкі ежы. Вырашана, што на дапамогу прыйдуць сацыяльныя работнікі. Але гэта часовае вырашэнне праблемы – у перспектыве ў двары вяскоўкі плануецца ўладкаваць свідравіну.
У 77-гадовага жыхара Касцюковіч Генадзя Цяна стаж працы ў медыцыне каля 50 гадоў. Цяпер Генадзь Мікалаевіч на пенсіі, але хоча вярнуцца ў прафесію. Вось толькі вакансій няма. Ды і па існуючым палажэнні перш чым стаць урачом агульнай практыкі, трэба прайсці навучанне на курсах павышэння кваліфікацыі. Па выніках размовы з Міхаілам Русым вырашана: курсы дык курсы, а па іх завяршэнні Генадзю Мікалаевічу прапануюць працу.
Аб паляпшэнні якасці жыцця гаварыў на прыёме і жыхар Касцюковіч Мікалай Кажамякін, які прадстаўляў інтарэсы жыхароў 8-кватэрнага дома. Зараз кватэры ў будынку ацяпляюцца пры дапамозе цвердапаліўных катлоў. Але такое становішча спраў людзям не падабаецца. Вось і яны просяць падвесці газ, каб усталяваць індывідуальныя газавыя ацяпляльныя прыборы. Але для гэтага трэба стварыць кааператыў. Ёсць яшчэ адзін нюанс: патрабуецца падлічыць, што будзе больш выгадна: газавае ацяпленне або электрычныя катлы. Разлікі будуць зроблены спецыялістамі райвыканкама – людзі змогуць выбраць найбольш выгадны для іх варыянт.
Пры выкарыстанні матэрыялаў актыўная гіперспасылка на mogilev-region.gov.by абавязковая
04.04.2025 - 20:00
03.04.2025 - 19:40
02.04.2025 - 12:40
01.04.2025 - 09:25
Магілёўская вобласць набліжаецца да экватара па сяўбе ранніх яравых збожжавых і зернебабовых
31.03.2025 - 10:27
У Магілёўскай вобласці збожжавыя культуры пасеяны на плошчы 47,9 тыс. га