На Клімаўшчыне рыхтуюцца да Міжнароднага фестывалю дзіцячай творчасці «Залатая пчолка». Форум адбудзецца 23-26 мая.
Заяўкі на ўдзел у свяце падалі прадстаўнікі дзесяці краін: Беларусі, Расіі, Украіны, Латвіі, Сербіі, Балгарыі, Славакіі, Узбекістана, Кыргызстана і Малдовы. Цяпер ідзе адбор прэтэндэнтаў.
Праграма свята будзе даволі разнастайнай. У межах мерапрыемства адбудзецца шэсце прадстаўнікоў краін-удзельніц, арганізуюць працу тэматычных падворкаў, запланаваны выступленні артыстаў.
У конкурснай праграме фестывалю сваё майстэрства прадэманструюць як індывідуальныя выканаўцы, так і творчыя калектывы. Узрост артыстаў – ад 9 да 18 гадоў уключна. Спаборніцтва будзе праводзіцца ў чатырох жанрах: «Вакальнае мастацтва», «Харэаграфічнае мастацтва», «Выяўленчае мастацтва», «Дэкаратыўна-прыкладное мастацтва».
Ідэя фестывалю дзіцячай творчасці «Залатая пчолка» зарадзілася ў 1996 годзе напярэдадні правядзення Міжнароднага дня абароны дзяцей. У 1997 годзе фестываль быў рэгіянальным, у ім прынялі ўдзел прадстаўнікі 9 раёнаў Беларусі і Расіі. Пазней атрымаў статус абласнога, а ў 2001 – міжнароднага. За сваю гісторыю «Залатая пчолка» запаліла нямала яркіх зорачак і стала трамплінам у творчую будучыню для многіх юных талентаў.
Пры выкарыстанні матэрыялаў актыўная гіперспасылка на mogilev-region.gov.by абавязковая
15.09.2025 - 11:54
Білеты на фестывальныя мерапрыемствы «Анімаёўка-2025» ужо ў продажы
12.09.2025 - 09:35
Магілёўская вобласць і Астрахань падпісалі пагадненне аб супрацоўніцтве ў сферы культуры
12.09.2025 - 08:59
08.09.2025 - 10:52
Ліда перадала Касцюковічам эстафету Дня беларускага пісьменства
08.09.2025 - 10:10
Магілёўская вобласць прыняла ўдзел у мерапрыемствах, прысвечаных Дню беларускага пісьменства
08.09.2025 - 09:33
У Магілёве назвалі пераможцаў фестывалю «Моладзь - за Саюзную дзяржаву»