Сімвалічны газавы факел запалілі ўчора ў аграгарадку Горы Краснапольскага раёна. Блакітнае паліва цяпер паступае ў 111 жылых дамоў гэтага населенага пункта.
Спецыялістам магілёўскага «Газбудмантажа» атрымалася пабудаваць падводзячы газаправод ўсяго за 2,5 месяца замест нарматыўных 9. Што і гаварыць, выдатны падарунак вяскоўцам напярэдадні 7 лістапада!
Новым умовам радуецца Вольга Воранава. Мама гадавалай Златы распавядае:
– Каб у доме было цёпла, з самае раніцы трэба тапіць дом дрывамі, а гэта вельмі складана, калі побач маленькае дзіця. Акрамя цяпла, прыйшла да нас і гарачая вада – я без праблем магу памыць дачку ці памыць яе рэчы.
Газіфікацыя аграгарадка для краіны падзея, магчыма, малапрыкметная, але для тых, хто пражывае ў Горах, гэты дзень запомніцца, упэўнены старшыня Магілёўскага аблвыканкама Леанід Заяц:
– Для вяскоўцаў газ фактычна азначае пачатак новага жыцця. У плане камунальнага камфорту ён не толькі сцірае грань паміж вёскай і горадам, але і з’яўляецца адной з самых важных бытавых выгод. Пытанні развіцця паўднёва-ўсходніх раёнаў Магілёўскай вобласці на асаблівым кантролі ў выканаўчай улады. Дзейнічае спецыяльны ўказ Прэзідэнта, накіраваны перш за ўсё на паляпшэнне жыцця людзей.
Дзяржава прыкладае ўсе намаганні для развіцця тэрыторый, пацярпелых ад аварыі на Чарнобыльскай атамнай электрастанцыі. Горы газіфікаваны ў межах дзяржпраграмы па пераадоленні наступстваў гэтай катастрофы. Неабходная сума, а гэта больш за 1,4 мільёна рублёў, выдзелена з рэспубліканскага бюджэту.
У наступным годзе ў Краснапольскім раёне плануюць правесці газ у апошні, шосты аграгарадок – Халмы.
На Магілёўшчыне газіфікаваны ўсе гарады і раённыя цэнтры. Таксама блакітным палівам забяспечана 337 сельскіх населеных пунктаў, у ліку якіх 139 з 203 аграгарадкоў.
Тэкст – СБ
Фота - БЕЛТА
Пры выкарыстанні матэрыялаў актыўная гіперспасылка на mogilev-region.gov.by абавязковая
25.04.2024 - 11:00
Што вырошчваюць на пацярпелых ад аварыі на ЧАЭС землях аграрыі Касцюковіцкага раёна
22.04.2024 - 16:29
Вячаслаў Максачоў: Касцюковічы павінны быць лакаматывам паўднёвага ўсходу Беларусі
19.04.2024 - 10:37
Сяўба ранніх збожжавых культур завершана ў СВК «Калгас «Радзіма» Бялыніцкага раёна (відэа)
18.04.2024 - 13:38
18.04.2024 - 09:12
Уся тэхніка на пасяўной у чэрыкаўскім агракомплексе «Светлы» беларускай вытворчасці
17.04.2024 - 12:04