Рус Бел Eng 中文

Санітарка Горацкай бальніцы і мама чатырох дзяцей – пра тое, чаму пойдзе на выбары

Мама чатырох сыноў, санітарка тэрапеўтычнага аддзялення Горацкай бальніцы Таццяна Курко – пра тое, чаму пойдзе на выбары дэпутатаў Палаты прадстаўнікоў Нацыянальнага сходу.

 

– Мне як маме неабыякава, па якіх законах будзе жыць наша грамадства ў найбліжэйшы час. З нараджэннем чацвёртага сына ў 2015 годзе быў прызначаны сямейны капітал. За школьныя падручнікі мы ўносім 50%, а харчаванне дзяцей – бясплатнае. Сабраць хлопцаў да новага навучальнага года дапамаглі райвыканкам і прафсаюз па месцы працы.

Два разы на год дзеці праходзяць аздараўленне бясплатна. Вось сёння еду забіраць дзіця з санаторыя «Космас» у Бабруйску. Калі была неабходнасць, мы атрымлівалі дзяржаўную адрасную дапамогу. Двойчы нам давала рэчы і прадуктовы набор раённая арганізацыя Чырвонага Крыжа.

Я яшчэ даглядаю маму, прыкаваную да ложка, і мне кампенсуюць выдаткі на тыя ж памперсы, ёсць ільготы на лекі. Дапамога ад дзяржавы істотная, і мы вельмі ўдзячныя за ўсё. Хочацца, каб захавалася сацыяльная накіраванасць. А для гэтага трэба выбраць дэпутата адказнага і актыўнага, які чуе і бачыць праблемы людзей, будзе імкнуцца іх вырашаць.

gorkiv.by

Пры выкарыстанні матэрыялаў актыўная гіперспасылка на mogilev-region.gov.by абавязковая