СЭЗ «Магілёў» распрацавала віртуальныя 3D туры па ўчастках

СЭЗ «Магілёў» распрацавала 3D туры, якія дазваляюць віртуальна наведваць участкі. Пра гэта паведамляецца на сайце свабоднай эканамічнай зоны.

Тэхналогія панарамных здымкаў стварае 100% віртуальную копію рэальнай прасторы з «эфектам прысутнасці». Наведвальнік можа інтэрактыўна перамяшчацца ў прасторы, што дазваляе атрымаць максімальна дакладную інфармацыю аб цікавых участках і свабодных прамысловых плошчах у межах СЭЗ «Магілёў».

3D-туры кругласутачна даступныя для прагляду ўсюды, дзе ёсць інтэрнэт. Яны працуюць на планшэтах і смартфонах, ноўтбуках і стацыянарных камп’ютарах, з’яўляючыся магутным інструментам для дыстанцыйнага атрымання паўнавартаснага візуальнага ўяўлення аб перспектыўных інвестыцыйных пляцоўках СЭЗ «Магілёў» з любога пункта зямнога шара, што набывае асаблівую актуальнасць ва ўмовах абмежаванняў на міжнародныя паездкі, уведзеных у сувязі з пандэміяй COVID-19.

У цяперашні час на сайце адміністрацыі СЭЗ «Магілёў» для прагляду даступныя 3D-туры па ўчастках №1 – №8, №10, №12 і №17. У сувязі з дзеючымі абмежаваннямі на аэраздымку з ўчасткамі №9, №11, №13 – № 16 можна азнаёміцца ў фармаце дэталёва адмаляваных схем.