Рэспубліканскую спартакіяду школьнікаў па скачках на батуце прымаў Магілёў. Пра гэта паведамілі ў гарадской спецыялізаванай дзіцяча-юнацкай школе алімпійскага рэзерву «БАГІМА» імя А. Р. Мішчанкі.
У спаборніцтвах прыняло ўдзел каля 70 спартсменаў 2003 года нараджэння і маладзейшыя. Па выніках выступленняў прадстаўнікі Магілёўшчыны занялі другое месца ў агульнакамандным заліку першынства. Найлепшымі сталі батутысты Віцебшчыны. Бронза дасталася атлетам Гомельскай вобласці.
Сярод дзяўчат у камандных спаборніцтвах Прыдняпроўскі край падняўся на першую прыступку п’едэстала дзякуючы паспяховым выступленням Віялеты Бардзілоўскай, Ксеніі Мысліўчык, Кацярыны Бабынскай і Юліі Костусевай.
Спартсменкі таксама не засталіся без узнагарод і ў асабістым заліку. Так, у індывідуальных скачках па праграме майстроў спорту Віялета Бардзілоўская заняла трэцяе месца. Кацярына Бабынская і Юлія Костусева заваявалі медалі з залатым адлівам у сінхронных скачках. У гэтым жа відзе другімі сталі Данііл Пшэнка і Вадзім Нявераў.
Пры выкарыстанні матэрыялаў актыўная гіперспасылка на mogilev-region.gov.by абавязковая
19.04.2024 - 11:05
Магіляўчанін Ягор Шарамкоў выйшаў у фінал у апорным скачку на этапе Кубка свету ў Катары
18.04.2024 - 17:56
Адкрыты турнір па фехтаванні «Меч Машэкі» праходзіць у Магілёве
17.04.2024 - 12:23
12.04.2024 - 09:48
Першынство па летнім паліатлоне ў Магілёве сабрала спартсменаў з Беларусі, Расіі і Казахстана