Рус Бел Eng 中文

У 2018 годзе творчыя калектывы і майстры Магілёўскай вобласці прынялі ўдзел больш чым у 40 культурных мерапрыемствах блізкага і далёкага замежжа

У 2018 годзе калектывы і майстры Магілёўскай вобласці прынялі ўдзел больш чым у 40 культурных мерапрыемствах блізкага і далёкага замежжа. Пра гэта паведаміў сёння на выніковай калегіі ўпраўлення культуры аблвыканкама яго начальнік Алег Стальмашок, перадае карэспандэнт сайта.

У сваю чаргу, гасцямі міжнародных мерапрыемстваў, якія праводзяцца ў рэгіёне, былі творчыя дэлегацыі больш чым з 20 краін свету.

Алег Стальмашок заўважыў, што многія ўстановы культуры паспяхова наладжваюць доўгатэрміновае супрацоўніцтва на дагаворных пачатках з прадстаўнікамі іншых дзяржаў. Так, Магілёўскім абласным метадычным цэнтрам народнай творчасці і культурна-асветнай работы заключаны пагадненні па культурным партнёрстве з шэрагам рэгіёнаў Расійскай Федэрацыі.

«У развіцці гэтай дзейнасці мы ставім акцэнт на выкарыстанні разнастайных формаў прэзентацыі сістэмы культуры Магілёўскай вобласці, у тым ліку на базе культурных цэнтраў Беларусі ў замежных краінах, ажыццяўляючы цеснае ўзаемадзеянне з Камітэтам эканомікі аблвыканкама», – падкрэсліў Алег Стальмашок.

Пры выкарыстанні матэрыялаў актыўная гіперспасылка на mogilev-region.gov.by абавязковая