Рус Бел Eng 中文

У Кіраўску ствараюць комплекс сучаснай экспрэс-дыягностыкі

Высакаякасная медыцынская дапамога стане больш даступнай для жыхароў рэгіёнаў Магілёўшчыны. У Кіраўску на базе цэнтральнай раённай паліклінікі ствараюць сучасны комплекс экспрэс-дыягностыкі.

У мінулым годзе тут пачалася маштабная рэканструкцыя. Грашыма падтрымала абласная інвестыцыйная праграма. Здаць раённую паліклініку плануюць да канца лета. Акрамя будынка, абновіцца медыцынскае абсталяванне, прыйдуць маладыя медыкі розных спецыяльнасцяў.

Доўгі час 2 блокі– былая паліклініка і інфекцыйная бальніца– на тэрыторыі бальнічнага гарадка не выкарыстоўваліся. Але час патрабуе сучасных падыходаў у лячэнні і дыягностыцы. Два корпусы аб’ядналі. Цяпер памяшканні дазваляюць размясціць дзіцячую і жаночую кансультацыі, аддзяленне дзённага знаходжання. І ўсіх урачоў агульнай практыкі. Такім чынам сканцэнтраваць амбулаторна-паліклінічную базу ў адным месцы.

У новы будынак пераедзе і аддзяленне хуткай медыцынскай дапамогі. Акрамя абноўленага будынка, бальніца атрымае новае абсталяванне для ўрачоў агульнай практыкі і, напрыклад, кальпаскоп, важны ў дыягностыцы паталогій. Хочуць абнавіць рэнтген-апарат.

У Кіраўскім раёне 18,5 тысяч жыхароў. Акрамя бальніцы, у раёне працуюць 2 амбулаторыі і 14 ФАПаў. Але гэта першасная медыцынская дапамога. Паліклініка ж дасць новыя магчымасці для паглыбленага абследавання кіраўчан і жыхароў вёсак і папярэдзіць стацыянарнае лячэнне. Таму мясцовыя жыхары сочаць за абнаўленнем і спадзяюцца на хуткае адкрыццё.

ТРК «Магілёў»

Пры выкарыстанні матэрыялаў актыўная гіперспасылка на mogilev-region.gov.by абавязковая