Каб мінімізаваць колькасць планавых пацыентаў у паліклініках Магілёва, людзям з хранічнымі захворваннямі і пажылым прапануюць прынесці рэцэпты на дом. Звяртацца трэба па тэлефоне выкліку ўрача на дом.

Усе званкі пацыентаў па стане здароўя медыцынскія рэгістратары фіксуюць пісьмова ў журнале зваротаў і ў электроннай сістэме «ўрач». Заяўка аб выкліку ўрача на дом адпраўляецца ўчастковаму ўрачу агульнай практыкі.

Па гэтым жа нумары можна тэлефанаваць, калі неабходна выпісаць або працягнуць рэцэпт. Гаворка, вядома, у першую чаргу, ідзе пра людзей з хранічнымі захворваннямі і пажылых. У выпадку, калі ў пацыента ёсць электронны рэцэпт, лекі выпішуць on-line. Калі неабходны папяровы варыянт, яго на дом прынясе памочнік урача агульнай практыкі.

Такія меры ва ўстановах аховы здароўя прынятыя для скарачэння колькасці пацыентаў на планавым прыёме. Такім чынам, час прыёму ў паліклініках паменшыцца, а дома – павялічыцца.

ТРК «Магілёў»