Рус Бел Eng 中文

У Магілёўскай вобласці за суткі пры пажарах загінулі два чалавекі

За суткі ў Магілёўскай вобласці адбылося 4 пажары: у Бабруйскім, Быхаўскім і Магілёўскім раёнах. Загінулі 2 чалавекі, асобы якіх устанаўліваюцца, паведаміла старшы інспектар абласнога ўпраўлення МНС Вольга Нехарошых.

Каля гадзіны ночы 22 лістапада жыхароў в. Баранавічы-1 Бабруйскага раёна разбудзіў трэск шыферу палаючага дома. Палаў жылы дом 63-гадовай мясцовай жыхаркі. Агонь знішчыў дах і перакрыцце, часткова пашкодзіў сцены і маёмасць у доме. Пад абваленымі канструкцыямі ратавальнікі знайшлі труп, як мяркуецца, гаспадыні.

Гэтай жа ноччу па не ўстаноўленай пакуль прычыне загарэўся жылы дом у в. Абідавічы Быхаўскага раёна. Выратавальнікаў выклікалі суседзі. Адбывалася гарэнне жылля адкрытым полымем, дах і перакрыцце часткова абрынуліся. Суседзі паведамілі выратавальнікам, што ўнутры можа знаходзіцца чалавек. І сапраўды, на падлозе ў пакоі яны знайшлі абгарэлы труп, як мяркуецца, 56-гадовага гаспадара дома.

Напярэдадні выхадных МНС нагадвае аб неабходнасці захавання правілаў бяспекі. Пад асаблівым кантролем павінна быць пячное ацяпленне.

Прачысціце і пабяліце комін печы, прыбіце перад топкай на падлозе металічны ліст памерамі не менш за 50х70 см Падыдзе таксама цэментная або пліткавая аснова. Не перапальвайце ў печы – прапальвайце двойчы ў дзень з некаторым інтэрвалам і за дзве гадзіны да сну спыняйце прапальванне. Прыбярыце з печы і ад печы рэчы і іншыя гаручыя рэчывы і матэрыялы. Асцярожнасці і захавання правілаў бяспекі патрабуе яшчэ адна крыніца цяпла – бытавыя катлы. Бязграматная іх эксплуатацыя можа выклікаць разбурэнне не толькі катла, але і нават будынка. Пераканайцеся, што запорныя органы на трубаправодах да катла адкрытыя, а таксама адкрытыя ўсе запорныя прылады, устаноўленыя на сістэме ацяплення. Зліце кандэнсат з ніжняга кармана дымавой трубы для катлоў, якія працуюць з натуральнай цягай. Правядзіце агляд агалоўкаў комінаў і пераканайцеся ў адсутнасці іх абмярзання і закупоркі. Да пачатку распальвання катла адкрыйце лінію падсілкоўвання сістэмы ацяплення і кантрольную лінію запаўнення пашыральнага бака. Пераканайцеся, што ціск па манометры, устаноўленым на катле, не расце.

Беражыце сябе і сваіх блізкіх!

          

 

 

Пры выкарыстанні матэрыялаў актыўная гіперспасылка на mogilev-region.gov.by абавязковая