У магілёўскі Свята-Мікольскі жаночы манастыр вернуты выкрадзены абраз ХІХ стагоддзя. Пра гэта паведаміла афіцыйны прадстаўнік УСК па Магілёўскай вобласці Анастасія Лаўрыновіч.
Так, у студзені 2019 года паводле інфармацыі УКДБ Магілёўскай вобласці ўстаноўлена месцазнаходжанне неапазнанага абраза. Следчыя Магілёўскага міжраённага аддзела СК высветлілі, што знойдзены абраз быў выкрадзены невядомым у верасні 2016 года са Свята-Мікольскага жаночага манастыра.
«Абраз апазнала настаяцельніца манастыра, – удакладніла Анастасія Лаўрыновіч. – Падчас даследавання святыні ў Нацыянальным мастацкім музеі Беларусі было ўстаноўлена, што ён з’яўляецца абразом святога Мікалая Цудатворца, выкананым у Расіі ў ХІХ стагоддзі, і ўяўляе гісторыка-культурную і мастацкую каштоўнасць».
Абраз вярнулі ў манастыр начальнік упраўлення Следчага камітэта па Магілёўскай вобласці Андрэй Ліс і начальнік упраўлення Камітэта дзяржаўнай бяспекі па Магілёўскай вобласці Аляксандр Церахаў.
Расследаванне крымінальнай справы па факце крадзяжу іконы адноўлена. Зараз праводзяцца мерапрыемствы, накіраваныя на ўстанаўленне асобы выкрадальніка.
Фота – УСК па Магілёўскай вобласці
Пры выкарыстанні матэрыялаў актыўная гіперспасылка на mogilev-region.gov.by абавязковая
15.09.2025 - 11:54
Білеты на фестывальныя мерапрыемствы «Анімаёўка-2025» ужо ў продажы
12.09.2025 - 09:35
Магілёўская вобласць і Астрахань падпісалі пагадненне аб супрацоўніцтве ў сферы культуры
12.09.2025 - 08:59
08.09.2025 - 10:52
Ліда перадала Касцюковічам эстафету Дня беларускага пісьменства
08.09.2025 - 10:10
Магілёўская вобласць прыняла ўдзел у мерапрыемствах, прысвечаных Дню беларускага пісьменства
08.09.2025 - 09:33
У Магілёве назвалі пераможцаў фестывалю «Моладзь - за Саюзную дзяржаву»