Падчас тэлевізійнага марафону «Сагрэем дзіцячыя сэрцы» на «Беларусь 4. Магілёў» расказвалі пра асаблівага хлопчыка з Крычава. Праз праблемы са здароўем Елісей абмежаваны ў рухах і веды атрымлівае дома. Ён вельмі любіць маляваць, таму яго навагодняя мара была простая – спецыяльны стол для малявання. Аднак гэта занадта дорага для маці, якая адна выхоўвае дзіця.
Але мара Елісея ажыццявілася. Дапамагло дабрачыннае аб’яднанне «Благо», калектыў Магілёўскага філіяла «БелМытняСэрвіс», а таксама іншыя неабыякавыя людзі. Напярэдадні Новага года ў кватэру Елісея патэлефанавалі. На парозе – Дзед Мароз з падарункамі: стол, мальберт для малявання, фарбы, палотны, бытавая тэхніка, мяккія цацкі.
– Мы трошкі разгубіліся, – кажа маці Елісея Юлія Ладзіс. – Не чакалі, што да Новага года будзе стол для малявання. Для нас гэта вельмі каштоўны падарунак.
У Новым годзе да Елісея прыйдзе педагог па выяўленчым мастацтве. У Крычаве плануюць правесці выставу работ 13-гадовага мастака. І такім чынам звярнуць увагу грамадства на асаблівых дзяцей.
Пры выкарыстанні матэрыялаў актыўная гіперспасылка на mogilev-region.gov.by абавязковая
23.02.2021 - 11:48
05.02.2021 - 12:13
Аляксандр Чадзюк і Алег Садоўскі правялі прыём грамадзян у Касцюковічах
03.02.2021 - 15:40
02.02.2021 - 16:34
02.02.2021 - 14:38