Выстава «Час жыцця / Час смерці» адкрыецца 17 красавіка ў 17.00 у магілёўскім музеі В. К. Бялыніцкага-Бірулі. Пра гэта паведамілі ў адміністрацыі ўстановы культуры.
У склад экспазіцыі ўвойдуць работы, створаныя падчас Х Міжнародных майстар-класаў іканапісу, якія праходзілі ў верасні 2018 года ў Навіцы. У двухтыднёвым пленэры ўзялі ўдзел 40 мастакоў з Польшчы, Украіны, Літвы і Сербіі. Тэма форума – сюжэты ўсёй біблейскай гісторыі: ад старазапаветных часоў да эпохі Новага Запавету, ад смерці на крыжы да Ушэсця.
«Сярод малюнкаў можна знайсці абсалютна новыя трактоўкі вобразаў, якія спрадвеку існуюць у іканаграфіі і ўкараніліся ў чалавечай свядомасці, – адзначылі суразмоўцы. – Большасць «Навіцкіх» работ адрозніваюцца ад агульнапрынятых уяўленняў аб абразе як больш ці менш праўдзіва выкананай копіі ўжо існуючага ладу».
У музеі В. К. Бялыніцкага-Бірулі будзе прадстаўлена каля 50 абразоў, у ліку якіх выявы «Выгнанне з раю», «Патоп», «Ахвяра Аўраама»,«Пераход праз Чырвонае мора». Побач з творамі на пасійныя тэмы размесцяцца работы, якія паказваюць вобраз Хрыста ўваскрослага і сцэны вылячэнняў.
Для выставы падрыхтаваны пасляпленэрны каталог, які, акрамя рэпрадукцый, змяшчае важныя для ўвядзення ў тэматыку майстар-класаў тэксты Томаша Бількі і Артура Алексеюка (Хрысціянская тэалагічная акадэмія ў Варшаве).
Экспазіцыя «Час жыцця / Час смерці» прэзентавалася ў Акруговым музеі ў Новым Сончы, Нацыянальным музеі імя Андрэя Шаптыцкага ў Львове, Музеі Варшаўскай архіепархіі, Мастацкай галерэі ўніверсітэта культуры і мастацтваў у Мінску. У магілёўскім Музеі В. К. Бялыніцкага-Бірулі выстава будзе працаваць да 12 мая.
Пры выкарыстанні матэрыялаў актыўная гіперспасылка на mogilev-region.gov.by абавязковая
02.09.2025 - 14:25
Бліны па аўтэнтычных рэцэптах можна будзе пакаштаваць 6 верасня на бліна-фэсце ў Бялыніцкім раёне
25.08.2025 - 12:26
Тры эскізы спектакляў распрацавалі артысты Магілёўскага тэатра лялек разам з расійскімі калегамі
20.08.2025 - 12:14
Чаму трэба наведаць фестываль народных промыслаў і рамёстваў «Краснапольскі глечык»
19.08.2025 - 15:31
Пейзаж Юлія Клевера «Закат» будзе прадстаўлены ў Магілёве на выставе адной карціны
18.08.2025 - 14:45
Выстава двух вялікіх майстроў жывапісу адкрыецца ў Магілёве 22 жніўня