RU BY EN 中文
Twitter Instagram

Вытворчасць новых відаў мармеладу і жэле з мясцовай сыравіны арганізуюць у Слаўгарадзе ў 2021 годзе

Новая вытворчасць кандытарскіх вырабаў на аснове айчыннай біялагічна каштоўнай расліннай сыравіны арганізуюць у філіяле ААТ «Чырвоны харчавік» у Слаўгарадзе ў 2021 годзе. Пра гэта расказаў старшыня Дзяржаўнага камітэта па навуцы і тэхналогіях Аляксандр Шумілін падчас наведвання філіяла, аб чым паведамілі ў прэс-службе ДКНТ.

Праект накіраваны на стварэнне новай для краіны прадукцыі: жэле з выкарыстаннем мадыфікаванага крухмалу і некалькіх відаў мармеладу –дыябетычнага, з вітамінамі, а таксама для харчавання пры інтэнсіўных фізічных нагрузках. Для арыгінальных кандытарскіх вырабаў плануецца выкарыстоўваць выключна мясцовую сыравіну –яблыкі, грушы, ягады і мёд з уласнага пчальніка фабрыкі.

З уводам новага тэхналагічнага абсталявання на прадпрыемстве плануюць значна пашырыць асартымент і экспартаваць на рынкі краін Еўрасаюза, Азіі і КНР не менш за 40% вырабленай прадукцыі, арганізаваць не менш за 100 новых працоўных месцаў.

«Рэалізацыя інавацыйнага праекта ў Слаўгарадзе па стварэнні высокатэхналагічнай сучаснай вытворчасці харчовых прадуктаў дазволіць нарасціць экспарт і пашырыць геаграфію паставак «Чырвонага харчавіка», а таксама стварыць новыя пункты росту для развіцця эканомікі горада і рэгіёна ў цэлым», – падкрэсліў Аляксандр Шумілін.

ААТ «Чырвоны харчавік»– адна з найбуйнейшых кандытарскіх фабрык Беларусі, якая займае лідзіруючыя пазіцыі па вытворчасці пасціла-мармеладных вырабаў.

БЕЛТА

 

Пры выкарыстанні матэрыялаў актыўная гіперспасылка на mogilev-region.gov.by абавязковая