Рус Бел Eng 中文

З пачатку ўборачнай ДАІ Магілёўскай вобласці выявіла 197 парушэнняў ПДР, дапушчаных пры кіраванні сельгастэхнікай

З пачатку ўборачнай супрацоўнікі ДАІ Магілёўшчыны выявілі 197 парушэнняў ПДР, дапушчаных работнікамі аграпрамысловага комплексу пры кіраванні сельгастэхнікай. За эксплуатацыю тэхнікі, якая не мае дзяржтэхагляду, да адміністрацыйнай адказнасці прыцягнута 130 чалавек, за адсутнасць элементаў канструкцыі, якія ўплываюць на бяспеку эксплуатацыі па дарогах агульнага карыстання, пакарана 19 кіроўцаў. Таксама выяўлена 10 фактаў кіравання сельскагаспадарчай тэхнікай у стане ап’янення.

За допуск да кіравання асоб, якія знаходзяцца ў стане алкагольнага ап’янення, якія не маюць права кіравання, без праходжання абавязковага перадрэйсавага медыцынскага абследавання, а таксама за допуск да ўдзелу ў дарожным руху транспарту, які мае технепаладкі, або транспарту без тэхагляду да адміністрацыйнай адказнасці прыцягнуты 153 адказныя службовыя асобы АПК.

Уборачная знаходзіцца на пастаянным кантролі на працягу ўсяго перыяду яе правядзення: штодня супрацоўнікі ДАІ правяраюць фізічны стан механізатараў і спраўнасць тэхнікі, задзейнічанай у палявых працах. Маршруты патрулявання нарадаў ДПС набліжаны да месцаў уборкі і захоўвання ўраджаю, гаручазмазачных матэрыялаў і сельгастэхнікі. Асаблівая ўвага надаецца бяспецы дарожнага руху пры правядзенні ўборачнай кампаніі, недапушчэнню страт збожжа пры перавозцы, забеспячэнню бесперашкоднага праезду транспарту, занятага на ўборцы ўраджаю.

Пры выкарыстанні матэрыялаў актыўная гіперспасылка на mogilev-region.gov.by абавязковая